ହାଇଦ୍ରାବାଦ: ଅଭିନେତ୍ରୀ ସାମନ୍ଥା ରୁଥ ପ୍ରଭୁଙ୍କ ଫିଲ୍ମ ‘ଯଶୋଦା’ ପରେ ପ୍ରଶଂସକମାନେ ଉତ୍ସାହର ସହିତ ତାଙ୍କ ଅପ୍କମିଙ୍ଗ ଫିଲ୍ମ ‘ଶକୁନ୍ତଲମ୍’ର ଅପେକ୍ଷା କରିଛନ୍ତି। ଏହି ଫିଲ୍ମରେ ଅଭିନେତ୍ରୀ ଜଣେ ରାଜକୁମାରୀ ଭୂମିକାରେ ନଜରକୁ ଆସିବେ। ଏହା ଏକ ପୌରାଣିକ ଚଳଚ୍ଚିତ୍ର। ସୋମବାର ଫିଲ୍ମର ପୋଷ୍ଟର ସହ ରିଲିଜ ତାରିଖ ଘୋଷଣା ହୋଇଛି। ଫେବୃୟାରୀ ୧୭ରେ ସିନେମା ଓ୍ବାଲର୍ଡଓ୍ବାଇଡ୍ ମୁକ୍ତିଲାଭ କରିବ। ଏ ନେଇ ସାମନ୍ଥା ସୋସିଆଲ ମିଡିଆରେ ପୋଷ୍ଟ ଶେୟାର କରିଥିବାବେଳେ ଏହାର ପ୍ରମୋଶନ ଆରମ୍ଭ କରିଦେଇଛନ୍ତି। ଫିଲ୍ମଟି ତେଲୁଗୁ ଛଡ଼ା ତାମିଲ, କନ୍ନଡ, ମାଲାୟାଲମ, ହିନ୍ଦୀରେ ରିଲିଜ୍ ହେବ। ଥ୍ରୀଡିରେ ଦର୍ଶକ ଏହାର ମଜା ଉଠାଇ ପାରିବେ। ‘ଶକୁନ୍ତଲମ୍’ ୨୦୨୨ରେ ରିଲିଜ ହେବାକୁ ଥିବାବେଳେ ଥ୍ରୀଡି କାମ ବାକି ଥିବାରୁ ଏଥିରେ ବିଳମ୍ବ ହୋଇଥିଲା। କାଲିଦାସଙ୍କ ଲୋକପ୍ରିୟ ଭାରତୀୟ ନାଟକ ‘ଶକୁନ୍ତଳା’ ଉପରେ ଫିଲ୍ମଟି ଆଧାରିତ।