ଗାଜିଆବାଦ, ୭ା୫ : ଉତ୍ତର ପ୍ରଦେଶ(ୟୁପି)ର ଗାଜିଆବାଦ ମେଡିକାଲରୁ ସାମ୍ନାକୁ ଆସିଛି ଏକ ଲଜ୍ଜାଜନକ ଘଟଣା। ମେଡିକାଲରେ ଛିଡ଼ା ହୋଇଥିବା ଜଣେ ମହିଳାଙ୍କ ଉପରେ ହସ୍ତମୈଥୁନ କରୁଥିବା ଜଣେ ବ୍ୟକ୍ତି ଧରାପଡ଼ିଛନ୍ତି। ଅଭିଯୁକ୍ତ ହେଲେ କାଇଲା ଭଟ୍ଟ ଅଞ୍ଚଳର ଅର୍ଶଦ (୩୫)।
ରିପୋର୍ଟ ମୁତାବକ, ୪୦ ବର୍ଷୀୟା ମହିଳା ଏମ୍ଏମ୍ଜି ଜିଲା ହସ୍ପିଟାଲ ଯାଇଥିଲେ। ସେ ମେଡିସିନ ପାଇଁ ଧାଡ଼ିରେ ଛିଡ଼ା ହୋଇଥିବାବେଳେ ତାଙ୍କ ପଛରେ ଛିଡ଼ା ହୋଇ ହସ୍ତମୈଥୁନ ଆରମ୍ଭ କରୁଥିଲେ ଅର୍ଶଦ। କିଛି ଲୋକଙ୍କ ନଜରକୁ ଆସିଥିଲା ଏହି ଲଜ୍ଜାଜନକ ଘଟଣା। ଏହା ପରେ ଉପସ୍ଥିତ ଲୋକେ ଅର୍ଶଦଙ୍କୁ ଧରି ଘଣ୍ଟାଘର କୋଟଓ୍ବାଲି ଥାନାକୁ ନେଇ ଯାଇଥିଲେ। ମହିଳାଙ୍କ ଅଭିଯୋଗକୁ ଭିତ୍ତି କରି ଆଇପିସି ୩୫୪ ଧାରାରେ ଯୌନ ନିର୍ଯ୍ୟତନା ମାମଲା ଦାୟାର କରାଯାଇଛି।
ଘଟଣା ସମ୍ପର୍କରେ ମେଡିକାଲର ସୁପ୍ରିଟେଣ୍ଡେଣ୍ଟ ଡ. ଅନୁରାଗ ଭାର୍ଗାଓ୍ବା କହିଛନ୍ତି, ମେଡିକାଲର ବିଭିନ୍ନ ସ୍ଥାନରେ ଆମର ୩ ଗାର୍ଡ ମୁତୟନ ଅଛନ୍ତି। ସେମାନଙ୍କ ମଧ୍ୟରୁ ଜଣଙ୍କୁ ଲୋକଙ୍କ ଧାଡ଼ିରେ ନଜର ରଖିବା ପାଇଁ ମୁତୟନ କରିବୁ। ତେବେ ହସ୍ପିଟାଲରେ ପୁରୁଷ ଓ ମହିଳାଙ୍କ ପାଇଁ ଅଲଗା ଅଲଗା ଧାଡ଼ି ରହିଛି।