ଅକ୍ଲ୍ୟାଣ୍ଡ,୧୮।୩: ଦିନିକିଆ ମହିଳା ବିଶ୍ୱକପ୍ରେ ବାଲାଂଦେଶ ବିପକ୍ଷ ଓ୍ବେଷ୍ଟଇଣ୍ଡିଜ୍ ମ୍ୟାଚ୍ ବେଳେ ଘଟିଛି ଅଘଟଣ। ଶୁକ୍ରବାର ମ୍ୟାଚ୍ ଚାଲିଥିବା ବେଳେ ଓ୍ବେଷ୍ଟଇଣ୍ଡିଜର ଦ୍ରୁତ ବୋଲର ଶାମିଲିଆ କୋନେଲ ପଡ଼ିଆ ମଝିରେ ଟଳି ପଡ଼ିଥିଲେ। ଏହାପରେ ତାଙ୍କୁ ଆମ୍ବୁଲାନ୍ସ ଯୋଗେ ହସ୍ପିଟାଲ ନିଆଯାଇଛି। ତେବେ କେଉଁ କାରଣ ଯୋଗୁ ସେ ଅଚେତ ହୋଇଯାଇଥିଲେ ତାହା ଜଣାପଡ଼ିନାହିଁ।
ମ୍ୟାଚ୍ର ୪୭ତମ ଓଭରର ୫ମ ବଲ୍ ପଡ଼ିବା ବେଳେ କୋନେଲ ଫିଲ୍ଡିଂ କରୁଥିଲେ। ସେ ହଠାତ ତଳେ ପଡ଼ିଯିବାରୁ ସାଥୀ ଖେଳାଳିମାନେ ଚକିତ ହୋଇଯାଇଥିଲେ। ସେମାନଙ୍କ ସହ ପଡ଼ିଆରେ ଉପସ୍ଥିତ ଡାକ୍ତରମାନେ କୋନେଲଙ୍କ ନିକଟକୁ ଦୌଡ଼ି ଯାଇଥିଲେ। ପ୍ରାରମ୍ଭିକ ଚିକିତ୍ସା ପରେ ସେ ଆଖି ଖୋଲିବାରୁ ତାଙ୍କୁ ପଡ଼ିଆ ବାହାରକୁ ନିଆଯାଇଥିଲା। ଏହାକୁ ନେଇ ଖେଳ ମଧ୍ୟ କିଛି ସମୟ ପାଇଁ ବନ୍ଦ ରହିଥିଲା।
କହିରଖୁଛୁ, ବିଶ୍ୱକପ୍ର ଏହି ମ୍ୟାଚ୍ରେ ଓ୍ବେଷ୍ଟଇଣ୍ଡିଜ ପ୍ରଥମେ ବ୍ୟାଟିଂ କରି ୧୪୦ ରନ୍ କରିଥିଲା। ଏହାର ଜବାବରେ ବାଂଲାଦେଶ ୧୩୬ ରନ୍ରେ ଅଲ୍ଆଉଟ୍ ହୋଇଯାଇଥିଲା।