ବମ୍ବେ: ଦିନ କେଇଟାରେ ଶେଷ ହୋଇଯିବ ଲୋକପ୍ରିୟ ରିଆଲିଟି ଶୋ’ ‘ବିଗ୍ ବସ୍’। ଏହାର ଫିନାଲେ ପାଖେଇ ଆସୁଥିବା ବେଳେ ଚର୍ଚ୍ଚାରେ ରହିଛି ପ୍ରତିଯୋଗୀ ତଥା ଅଭିନେତ୍ରୀ ସମିତା ସେଟ୍ଟୀ ଏବଂ ତେଜସ୍ବୀ ପ୍ରକାଶଙ୍କ କ୍ୟାଟ୍ଫାଇଟ୍। ବିଗ୍ ବସ୍ ଘରେ ଶେଷ ଟାସ୍କ ସମୟରେ ଏଭଳି କିଛି ଦେଖିବାକୁ ମିଳିବ।
ଆଗାମୀ ଏପିସୋଡରେ ଦର୍ଶକମାନେ ସିଧାସଳଖ ଏଣ୍ଟ୍ରି ନେଇ ପ୍ରତିଯୋଗୀଙ୍କୁ ମନ ମୁତାବକ କାର୍ଯ୍ୟ କରିବାକୁ ଦେବେ। ସେଥିରୁ ଗୋଟିଏ କରନ୍ କୁନ୍ଦ୍ରା ଏବଂ ପ୍ରତିକ ସେହଜପାଲଙ୍କ ମସାଜ୍ କରିବା ରହିବ। ଏଥିରେ ଭାଗ ନେଇ ସମିତା କରନ୍ଙ୍କ ଉପରେ ଚଢ଼ି ମସାଜ ଦେବାକୁ ଚେଷ୍ଟା କରିବେ। ହେଲେ ଏହାକୁ ତେଜସ୍ବୀ ସହଜରେ ଗ୍ରହଣ କରି ନ ପାରି ସମିତାଙ୍କୁ ‘ଆଣ୍ଟି’ କହୁଥିବା ପ୍ରମୋରେ ଦେଖାଯାଉଛି। ଏହାଛଡ଼ା କରନ୍ ରାକେଶ ବାପଟ ନୁହନ୍ତି ବୋଲି ମଧ୍ୟ ସେ କହୁଛନ୍ତି। ତେଜସ୍ବୀଙ୍କ କଥା ଶୁଣି ସମିତା ରାଗରେ ନିଆଁ ହୋଇଯାଉଛନ୍ତି। ତାଙ୍କର କିଭଳି ଏପରି ସାହସ ହେଲା ଏବଂ କରନ୍ ଏନେଇ କିଛି ନ କହିବାକୁ ସେ ନାପସନ୍ଦ କରୁଥିବା ଦେଖାଯାଉଛି।
ଏପିସୋଡର ପ୍ରମୋ ଭାଇରାଲ ହେଉଥିବା ବେଳେ ପ୍ରଶଂସକମାନଙ୍କ ଉତ୍କଣ୍ଠା ବଢ଼ିଛି। ଉଭୟଙ୍କ ଝଗଡ଼ା କେଉଁ ରୂପ ନେବ ସେ ନେଇ ଅପେକ୍ଷା ଥିବା ଅନେକ କହୁଛନ୍ତି।