ମୁମ୍ବାଇ, ୧୫ା୪- ଦିଲ୍ଲୀ କ୍ୟାପିଟାଲ୍ସ ଗୁରୁବାର ମୁମ୍ବାଇର ବାମହାତୀ ଯୁବ ସ୍ପିନର ଶାମ୍ସ ମୁଲାନୀଙ୍କୁ ସାମୟିକ ଭାବେ ଦଳରେ ସାମିଲ କରିଛି। ତେବେ କରୋନାରେ ଆକ୍ରାନ୍ତ ଅକ୍ଷର ପଟେଲଙ୍କ ବଦଳ ଖେଳାଳି ଭାବେ ଦଳରେ ସ୍ଥାନ ପାଇଛନ୍ତି। ଜଣେ କରୋନା ଆକ୍ରାନ୍ତ ଖେଳାଳିଙ୍କ ସ୍ଥାନରେ ଆଇପିଏଲ ଦଳରେ ସ୍ଥାନ ପାଇବାରେ ମୁଲାନୀ ହେଉଛନ୍ତି ପ୍ରଥମ। ଆହତ ସମସ୍ୟା ଯୋଗୁ ପୂରା ସିଜନରୁ ବାଦ୍ ପଡ଼ିଥିବା ଅଧିନାୟକ ଶ୍ରେୟାସ ଆୟାରଙ୍କ ସ୍ଥାନରେ କର୍ନାଟକ ଅଫ୍-ସ୍ପିନର ଅନିରୁଦ୍ଧ ଯୋଶୀଙ୍କୁ ଦଳରେ ନେଇଛି ଦିଲ୍ଲୀ କ୍ୟାପିଟାଲ୍ସ । ତାଙ୍କ ନିକଟରେ ଆଇପିଏଲ ଖେଳିବାର ଅଭିଜ୍ଞତା ରହିଛି। ସେ ଅତୀତରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ରାଜସ୍ଥାନ ରୟାଲ୍ସ ପାଇଁ ଖେଳିଥିଲେ।