ଅଷ୍ଟ୍ରେଲିଆର ପୂର୍ବତନ ଲେଗ-ସ୍ପିନର ସେନ୍ ୱାର୍ଣ୍ଣ ଅନେକ ସମୟରେ ବିବାଦ ଘେରରେ ରହିଥାନ୍ତି। କ୍ରିକେଟର ଶ୍ରେଷ୍ଠ ଲେଗ-ସ୍ପିନର ଭାବରେ ମାନ୍ୟତା ପାଇବା ବ୍ୟତୀତ ୱାର୍ଣ୍ଣ ପ୍ରେମ ବ୍ୟାପାରକୁ ନେଇ ମଧ୍ୟ ଚର୍ଚ୍ଚାରେ ଥା’ନ୍ତି। ମହିଳାଙ୍କ ସହ ହେଉ କିମ୍ବା ବିବିଏଲ ଖେଳ ସମୟରେ ମାର୍ଲନ ସାମୁଏଲ୍ସଙ୍କ ସହ ହେଉ, ଭେଟେରାନ କ୍ରିକେଟର ଓ୍ବାର୍ଣ୍ଣ ପ୍ରାୟତଃ କୌଣସି ପ୍ରକାରେ ଆଲୋଚନାରେ ରହିଥା’ନ୍ତି । ଏକ ପାର୍ଟିର ମହିଳାମାନେ ସର୍ବଦା ଘେରି ରହିଥିବାର ଅନେକ ରିପୋର୍ଟ ମଧ୍ୟ ପ୍ରକାଶ ପାଇଲା। ବିଶେଷକରି ଏହି କାରଣରୁ ସେ ‘ଲେଡିଜ ମ୍ୟାନ’ ଭାବରେ ମଧ୍ୟ ଜଣାଶୁଣା। ଏବେ ତାଙ୍କର ଜଣେ ବନ୍ଧୁ ୱାର୍ଣ୍ଣଙ୍କ ବିଷୟରେ ଏକ ନୂଆ ଖୁଲାସା କରିଛନ୍ତି। ତାଙ୍କ ବନ୍ଧୁ ତଥା ଟ୍ରିପଲ ଏମ୍ ସିଡନୀ ରେଡିଓ ହୋଷ୍ଟ ଲରେନ୍ସ ମୁନେ ୱାର୍ଣ୍ଣଙ୍କ ପାର୍ଟି ନିୟମିତ ଯାଉଥିଲେ। ସେ ନିକଟରେ ୱାର୍ଣ୍ଣଙ୍କ ପାର୍ଟି କିପରି ଥାଏ ତାହାର ଖୁଲାସା କରିଥିଲେ। ଏହା ସହିତ ସେ ପ୍ରକାଶ କରିଛନ୍ତି ଯେ, ଓ୍ବାର୍ଣ୍ଣ ୫୧ ବର୍ଷ ବୟସରେ ଟିଣ୍ଡରରେ ଅଛନ୍ତି। ୱାର୍ଣ୍ଣ ପୁରା ସମୟ ଫୋନରେ ବ୍ୟସ୍ତ ରୁହନ୍ତି। ତାଙ୍କ ଜୀବନ ଟିଣ୍ଡର, ବିୟର, ଜୁଆ ଖେଳ ଏବଂ କ୍ରିକେଟ। ମହିଳାମାନଙ୍କ ସମ୍ପର୍କରେ ଆସିବା ପାଇଁ ସେ ପାର୍ଟି ଡାକି ଥା’ନ୍ତି। ୱାର୍ଣ୍ଣ ପ୍ରାୟତଃ ତାଙ୍କ ସାଥୀମାନଙ୍କ ସହିତ ଡ୍ରିଙ୍କ୍ସ କରିବା ପରେ ଯୁବତୀଙ୍କ ସହ କୁଆଡେ ଗାଏବ ହୋଇଯାନ୍ତି ବୋଲି ଲରେନ୍ସ କହିଛନ୍ତି।
ସେନ ୱାର୍ନ ଅଷ୍ଟ୍ରେଲିଆ ପାଇଁ ୧୪୫ ଟେଷ୍ଟ ଏବଂ ୧୯୪ ଦିନିକିଆ ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି। ସେ ୭୦୮ ଟେଷ୍ଟ ଏବଂ ୨୯୩ ଦିନିକିଆ ଉଇକେଟ ନେଇଛନ୍ତି। ୧୦୦୦ ରୁ ଅଧିକ ଅନ୍ତର୍ଜାତୀୟ ଉଇକେଟ ନେଇଥିବା ସେନ ୱାର୍ଣ୍ଣ ବିଶ୍ୱର ଦ୍ୱିତୀୟ କ୍ରିକେଟର।