ମେଲବୋର୍ନ,୩୦।୩: ଲୁହରେ ଭିଜିଲା ପ୍ରଶଂସକଙ୍କ ଆଖି। ବୁଧବାର ଏଠାରେ ଆୟୋଜିତ ଏକ ବିଶାଳ ଶ୍ରଦ୍ଧାଞ୍ଜଳି ସଭାରେ ଅଷ୍ଟ୍ରେଲିଆର କ୍ରିକେଟ କିମ୍ବଦନ୍ତୀ ତଥା ପୂର୍ବତନ ମହାନ ଲେଗ୍ ସ୍ପିନର ଶେନ ଓ୍ବର୍ନଙ୍କୁ ରାଜକୀୟ ସମ୍ମାନ ସହ ଅନ୍ତିମ ବିଦାୟ ଦିଆଯାଇଛି। ଏହି ମଇଦାନରେ ଓ୍ବର୍ନଙ୍କ ସାଥୀ ଖେଳାଳି, ବନ୍ଧୁ, ପରିବାର ସହ ପ୍ରାୟ ୫୦ ହଜାର ଲୋକ ଉପସ୍ଥିତ ଥିଲେ।
ଓ୍ବର୍ନଙ୍କ ମୃତ୍ୟୁର ୨୬ ଦିନ ପରେ ତାଙ୍କର ପ୍ରିୟ ମେଲବୋର୍ନ କ୍ରିକେଟ ଗ୍ରାଉଣ୍ଡ(ଏମ୍ସିଜି)ରେ ତାଙ୍କ ଶେଷ ବିଦାୟ ଦିଆଯାଇଛି। ଏଥିରେ ବିଶ୍ୱର ସମସ୍ତ ମହାନ କ୍ରିକେଟର ସାମିଲ ହୋଇଥିଲେ। ସେମାନଙ୍କ ମଧ୍ୟରେ ପୂର୍ବତନ ମହାନ ଭାରତୀୟ କ୍ରିକେଟର ସଚିନ ତେନ୍ଦୁଲକର ଭର୍ଚୁଆଲ ଭାବେ ଯୋଗ ଦେଇଥିଲେ। ଓ୍ବର୍ନଙ୍କର ତିନି ସନ୍ତାନ ମଧ୍ୟ ପିତାଙ୍କୁ ହରାଇ ଦୁଃଖରେ ଭାଙ୍ଗି ପଡ଼ିଥିବା ଦେଖାଯାଇଛି।
ଚଳିତ ମାସ ୪ ତାରିଖରେ ହୃଦ୍ଘାତରେ ଓ୍ବର୍ନଙ୍କ ପରଲୋକ ଘଟିଥିଲା। ଥାଇଲାଣ୍ଡରେ ଥିବା ନିଜ ଭିଲାରେ ସେ ଥିବା ବେଳେ ହଠାତ୍ ଅସୁସ୍ଥ ହୋଇପଡ଼ିଥିଲେ। ତାଙ୍କୁ ଗୁରୁତର ଅବସ୍ଥାରେ ବନ୍ଧୁମାନେ ଡାକ୍ତରଖାନାରେ ଭର୍ତ୍ତି କରିଥିଲେ। ମାତ୍ର ସମସ୍ତ ଚେଷ୍ଟା ସତ୍ତ୍ୱେ ତାଙ୍କୁ ବଞ୍ଚାଯାଇପାରି ନ ଥିଲା। ଏହି ଖବର ଜଣାପଡ଼ିବା ପରେ କ୍ରିକେଟଜଗତରେ ଶୋକର ଛାୟା ଖେଳିଯାଇଥିଲା।
Forever Warnie’s ❤️ pic.twitter.com/0OnNeBylSK
— Cricket Australia (@CricketAus) March 30, 2022
Three incredibly brave and touching tributes from Shane Warne’s three children 🤍
Watch the conclusion of his memorial service from the MCG: https://t.co/31nYCXdKQ6 pic.twitter.com/Zi6mekT69C
— cricket.com.au (@cricketcomau) March 30, 2022
