ମୁମ୍ବାଇ,୧୦।୭: ଶରଦ ପାୱାର ଦଳକୁ ଆଉ ଏକ ଝଟକା ଲାଗିଛି। ଦଳରେ ବିଭାଜନ ପରେ ଶରଦ ପାୱାରଙ୍କ କାର୍ଯ୍ୟକ୍ରମରେ ଯୋଗ ଦେଇଥିବା ଏନସିପି ବିଧାୟକ ଅଜିତ ପାୱାର ଶିବିରରେ ସାମିଲ ହୋଇଛନ୍ତି। ସୋମବାର ମହାରାଷ୍ଟ୍ରର ୱାଇ ବିଧାନସଭାର ବିଧାୟକ ମରକନ୍ଦ ପାଟିଲ ଅଜିତ ପାୱାରଙ୍କ ଦଳରେ ଯୋଗ ଦେଇଛନ୍ତି।
ପାଟିଲ କହିଛନ୍ତି ଯେ, ବିଧାନସଭା କ୍ଷେତ୍ରର ଦୁଇଟି ଚିନି କାରଖାନା ଅର୍ଥନୈତିକ ସଙ୍କଟର ସମ୍ମୁଖୀନ ହେଉଛି, ଏବଂ ଏହାକୁ ବଞ୍ଚାଇବା ପାଇଁ ସେ ଅଜିତ ପାୱାରଙ୍କ କ୍ୟାମ୍ପରେ ଯୋଗ ଦେଇଛନ୍ତି। ଏଥି ସହିତ ୱାଇରେ ପର୍ଯ୍ୟଟନ ସହ ଜଡିତ ସମସ୍ୟାର ସମାଧାନ ହେବ ଏବଂ ବିକାଶମୂଳକ କାର୍ଯ୍ୟ କରାଯିବ ବୋଲି ସେ ଆଶା ରଖିଛନ୍ତି।