ମୁମ୍ବାଇ,୭।୧୨: ମହାରାଷ୍ଟ୍ରର ମହାବିକାଶ ଅଘାଡିରେ ଏକ ବଡ ଓଲଟପାଲଟ ଦେଖାଦେଇଛି। ନିର୍ବାଚନରେ ପରାଜୟର କ୍ଷତ ଏପର୍ଯ୍ୟନ୍ତ ପୂରଣ ହୋଇପାରି ନଥିଲା ବେଳେ ପୁଣି ଶରଦ ପାୱାର ଏବଂ ଉଦ୍ଧବ ଠାକରେଙ୍କୁ ଆଉ ଏକ ବଡ଼ ଝଟକା ଲାଗିଥିଲା। ହଁ, ଅଖିଳେଶ ଯାଦବଙ୍କ ସମାଜବାଦି ପାର୍ଟି ଏମଭିଏ ଅର୍ଥାତ୍ ମହାବିକାଶ ଅଘାଡି ସହିତ ସମ୍ପର୍କ ଭାଙ୍ଗିଛି । ଉଦ୍ଧବଙ୍କ ନିକଟବର୍ତ୍ତୀ ବ୍ୟକ୍ତିଙ୍କ ବିବୃତ୍ତି ପରେ ଏସପି ଏମଭିଏରୁ ନିଜକୁ ଦୂରେଇ ରଖିଛନ୍ତି।
ସୂଚନାଯୋଗ୍ୟ, ବିରୋଧୀ ଦଳକୁ ଏକ ବଡ଼ ଝଟ୍କା ଦେଇ ସମାଜବାଦି ପାର୍ଟି ଶନିବାର ମହାରାଷ୍ଟ୍ର ମହାବିକାଶ ଅଘାଡି ସହ ସମ୍ପର୍କ ଭାଙ୍ଗିଛି। ମହାରାଷ୍ଟ୍ର ଏସପି ମୁଖ୍ୟ ଆବୁ ଅଜମୀ ଏହା ଘୋଷଣା କରିଛନ୍ତି। ବାସ୍ତବରେ, ଶିବସେନା (ୟୁବିଟି) ମୁଖ୍ୟ ଉଦ୍ଧବ ଠାକରେଙ୍କ ଜଣେ ନେତା ବାବ୍ରି ମସଜିଦ ଭଙ୍ଗକୁ ପ୍ରଶଂସା କରିଥିଲେ। ସମାଜବାଦୀ ପାର୍ଟିରେ ରାଜ୍ୟରେ ଦୁଇଜଣ ବିଧାୟକ ଅଛନ୍ତି।
ସୂଚନା ଅନୁସାରେ, ମହାରାଷ୍ଟ୍ରର ଏସପି ମୁଖ୍ୟ ଆବୁ ଆଜମୀ ଏହି ବଡ଼ ନିଷ୍ପତ୍ତି ପଛରେ ଏକ ଖବରକାଗଜରେ ପ୍ରକାଶିତ ଶିବସେନା (ୟୁବିଟି) ବିଜ୍ଞାପନକୁ ଦର୍ଶାଇଛନ୍ତି। ଏହି ବିଜ୍ଞାପନରେ ଯେଉଁମାନେ ବାବ୍ରି ମସଜିଦକୁ ଭାଙ୍ଗି ଦେଇଥିଲେ ସେମାନଙ୍କୁ ଅଭିନନ୍ଦନ ଜଣାଇଥିଲେ। ଆଜମି କହିଛନ୍ତି, ‘ତାଙ୍କର (ଉଦ୍ଧବ ଠାକରେ) ସହକର୍ମୀ ମଧ୍ୟ ମସଜିଦ ଭାଙ୍ଗିବାର ପ୍ରଶଂସା କରି ଏକ୍ସରେ ପୋଷ୍ଟ କରିଛନ୍ତି।’ ସେ ଘୋଷଣା କରିଛନ୍ତି, କି ଆମେ ମହାବିକାଶ ଅଘାାଡି ଛାଡୁଛୁ, ମୁଁ (ସମାଜବାଦୀ ପାର୍ଟି ସଭାପତି) ଅଖିଳେଶ ସିଂ ଯାଦବଙ୍କ ସହ କଥାବାର୍ତ୍ତା କରୁଛି।