ନୂଆଦିଲ୍ଲୀ,୭।୯: ଟିମ୍ ଇଣ୍ଡିଆର ଦ୍ରୁତ ବୋଲର ଅଲରାଉଣ୍ଡର ଶାର୍ଦ୍ଦୁଲ ଠାକୁରଙ୍କ ଉଲ୍ଲେଖନୀୟ ପ୍ରଦର୍ଶନକୁ ନେଇ ପ୍ରଶଂସିତ ହେଉଛନ୍ତି। ଇଂଲଣ୍ଡ ବିପକ୍ଷ ଚତୁର୍ଥ ଟେଷ୍ଟର ଉଭୟ ଇନିଂସରେ ସେ ୫୭ ଏବଂ ୬୦ ରନ୍ କରିବା ସହ ୩ ଉଇକେଟ ନେଇଥିଲେ। ଏହି ଟେଷ୍ଟରେ ଭାରତ ଇଂଲଣ୍ଡ ଟିମ୍କୁ ୧୫୭ ରନ୍ରେ ପରାସ୍ତ କରିଥିଲା। ମ୍ୟାଚ୍ରେ ଶାର୍ଦ୍ଦୁଲଙ୍କ ଅବଦାନ ଗୁରୁତ୍ୱପୁର୍ଣ୍ଣ ଥିବା ବେଳେ ଏବେ ସେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି। ଏହାକୁ ନେଇ ତାଙ୍କୁ ସୋସିଆଲ ମିଡିଆରେ ପ୍ରଶଂସକମାନେ ନୂଆ ନାମ ଦେଇଛନ୍ତି।
କିଙ୍ଗ, ହିଟ୍ମ୍ୟାନ୍, ଥାଲାଙ୍କ ଭଳି ଶାର୍ଦ୍ଦୁଲଙ୍କୁ ‘ଲଡ୍ ଶାର୍ଦ୍ଦୁଲ’ ବୋଲି ପ୍ରଶଂସକ କହୁଛନ୍ତି। ଏପରିକି ତାଙ୍କୁ ନେଇ ଅନେକ ମେମେ ଭାଇରାଲ ହେଉଛି। କ୍ରିକେଟର ମଧ୍ୟ ନୂଆ ନାମ ପାଇ ବେଶ୍ ଖୁସି ଅଛନ୍ତି। ଏନେଇ ପ୍ରତିକ୍ରିୟା ରଖି ସେ କହିଛନ୍ତି, ସାଥୀ ଖେଳାଳି ଏବଂ ପ୍ରଶଂସକମାନଙ୍କ ଭଲପାଇବା ପାଇ ମୁଁ ବହୁତ ଖୁସି। ସେମାନେ ମୋତେ ଏକ ଡାକନାମ ଦେଇଥିଲେ। ଏବେ ମୋର ଦୁଇଟି ଡାକନାମ ହୋଇଛି ବୋଲି ସେ କହିଛନ୍ତି।
ଦେଖନ୍ତୁ ସେଭଳି କିଛି ମେମେ: