ଜୋହାନ୍ସବର୍ଗ,୪।୧: ସ୍ଥାନୀ ଓ୍ବାଣ୍ଡରର୍ସ ଷ୍ଟାଡିୟମରେ ଚାଲିଥିବା ନ୍ୟୁ ଇୟର ଟେଷ୍ଟ ମ୍ୟାଚ୍ର ଦ୍ୱିତୀୟ ଦିନ ସମ୍ପୂର୍ଣ୍ଣ ରୂପେ ଶାର୍ଦ୍ଦୁଳ ଠାକୁରଙ୍କ ନାମରେ ରହିଛି। ମଙ୍ଗଳବାର ଦିନ ଆରମ୍ଭରୁ ଶେଷ ପର୍ଯ୍ୟନ୍ତ ସେ ମ୍ୟାଚ୍ରେ ଛାୟୀ ହୋଇ ରହିଥିଲେ। ତାଙ୍କ କ୍ୟାରିୟରର ଶ୍ରେଷ୍ଠ ବୋଲିଂ ପ୍ରଦର୍ଶନ କାରଣରୁ ମ୍ୟାଚ୍ର ପ୍ରଥମ ଇନିଂସରେ ଦକ୍ଷିଣ ଆଫ୍ରିକା ୨୨୯ ରନ୍ରେ ସୀମିତ ରହିଛି। ପୂର୍ବରୁ ଟସ୍ ଜିତି ବ୍ୟାଟିଂ କରିଥିବା ଭାରତୀୟ ଦଳ ତା’ର ପ୍ରଥମ ଇନିଂସରେ ୨୦୨ ରନ୍ରେ ସୀମିତ ରହିଥିଲା। ଫଳରେ ଘରୋଇ ଦଳ ୨୭ ରନ୍ର ଅଗ୍ରଣୀ ହାସଲ କରିଛି।
ଇନିଂସରେ ଶାର୍ଦ୍ଦୁଳ ୬୧ ରନ୍ ବ୍ୟୟରେ ସର୍ବାଧିକ ୭ ଉଇକେଟ ନେଇଥିଲେ। ଦକ୍ଷିଣ ଆଫ୍ରିକା ମାଟିରେ ଭାରତୀୟ ବୋଲରମାନଙ୍କ ମଧ୍ୟରେ ଶ୍ରେଷ୍ଠ ବୋଲିଂ ପ୍ରଦର୍ଶନ। ତାଙ୍କ ବ୍ୟତୀତ ମହମ୍ମଦ ଶାମିଙ୍କୁ ୨ ଓ ଯଶପ୍ରୀତ ବୁମରାଙ୍କୁ ଗୋଟିଏ ସଫଳତା ମିଳିଛି।