ରେକର୍ଡ ସ୍ତର ଛୁଇଁଲା ଶେୟାର ମାର୍କେଟ୍‌

ମୁମ଼୍ବାଇ, ୧୮।୬: ମଙ୍ଗଳବାର ଶେୟାର ମାର୍କେଟ ରେକର୍ଡ ସ୍ତରରେ କାରବାର କରିଥିବା ଦେଖିବାକୁ ମିଳିଛି। ସେନ୍‌ସେକ୍ସ ଏବଂ ନିଫ୍ଟି ସର୍ବକାଳୀନ ଉଚ୍ଚ ସ୍ତରରେ ପହଞ୍ଚିଛି । ୭୭,୨୪୪.୧୭ ପଏଣ୍ଟରେ ପହଞ୍ଚିଛି ସେନ୍‌ସେକ୍ସ। ଏଥିରେ ୨୨୬.୬୨ (୦.୨୯ ପ୍ରତିଶତ) ପଏଣ୍ଟ ବୃଦ୍ଧି ପାଇଛି । କାରବାର ଆରମ୍ଭରୁ ଏହା ୭୭,୩୨୬.୮୦ ପଏଣ୍ଟ ସହ ସର୍ବକାଳୀନ ରେକର୍ଡ କରିଛି। ଅନ୍ୟ ପଟେ, ନିଫ୍ଟି ୭୮.୯୧ (୦.୩୪ ପ୍ରତିଶତ) ପଏଣ୍ଟ ହାସଲ କରି ୨୩,୫୪୪.୫୦ ଅଙ୍କରେ କାରବାର କରୁଥିବା ଦେଖାଯାଇଥିଲା । ବଜାର ଖୋଲିବା ପରେ ଏହା ନିଫ୍ଟି ସର୍ବକାଳୀନ ୨୩,୫୭୩.୮୫ ପଏଣ୍ଟରେ ପହଞ୍ଚିଛି । ଆଜିର କାରବାରରେ, ଆଇଟି ସେୟାରରେ ଭଲ ଲାଭ ପରିଲିକ୍ଷିତ ହେଉଛି ।

ଘରୋଇ ବଜାରରେ ଏକ ସକାରାତ୍ମକ ପ୍ରଭାବ ହେତୁ ମଙ୍ଗଳବାର କାରବାର ଆରମ୍ଭରୁ ଆମେରିକୀୟ ଡଲାର ତୁଳନାରେ ଭାରତୀୟ ଟଙ୍କା ସାତ ପଇସା ବୃଦ୍ଧି ପାଇ ୮୩.୪୮ ଟଙ୍କା ହୋଇଛି।