ଜୟପୁର,୨୬।୯: କୁହାଯାଏ ସ୍ତ୍ରୀ-ସ୍ବାମୀ ସମ୍ପର୍କ ଦୁନିଆର ସବୁଠୁ ପବିତ୍ର ହୋଇଥାଏ। କିନ୍ତୁ ସ୍ତ୍ରୀ ଯଦି ସ୍ବାମୀର ହତ୍ୟାକାରୀ ସାଜେ ତେବେ ଏହା ସବୁଠୁ ଆଶ୍ଚର୍ଯ୍ୟଜନକ କଥା ହେବ। ଏମିତି ଏକ ଘଟଣା ରାଜସ୍ଥାନର ଭରତପୁରରେ ଘଟିଛି। ଏଠାରେ ଜଣେ ମହିଳା ନିଜ ସ୍ବାମୀଙ୍କୁ ହତ୍ୟା ପାଇଁ ସାର୍ପ ଶୁଟରଙ୍କ ସହାୟତା ନେଇଛନ୍ତି। ପୋଲିସ ଏହି ଘଟଣାରେ ଅଭିଯୁକ୍ତଙ୍କ ଗିରଫ କରିବା ସହ ସେମାନଙ୍କଠାରୁ ମାରଣାସ୍ତ୍ର ଜବତ କରିଛି। ପୋଲିସ ମୁତାବକ ପ୍ରଦ୍ୟୁମ୍ନ ନାମକ ଜଣେ ବ୍ୟକ୍ତି ମାରିବା ପାଇଁ ତାଙ୍କ ସ୍ତ୍ରୀ ନୀତୁ ସାର୍ପ ଶୁଟର ଆଶିଷଙ୍କୁ ସୁପାରୀ ଦେଇଥିଲେ। ପ୍ରଦ୍ୟୁମ୍ନଙ୍କୁ ମାରିବା ପାଇଁ ତାଙ୍କ ଘରକୁ ଆସିଥିଲେ। ଏହି ସମୟରେ ତାଙ୍କୁ ଝିଅ ପିତାଙ୍କୁ ବଞ୍ଚାଇଥିଲେ। ଆଶିଷଙ୍କୁୂ ଧରି ଏକ ଘର ଭିତରେ ପୂରାଇ ଦେଇ ପୋଲିସକୁ ଏନେଇ ସୂଚନା ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତଙ୍କୁ ଧରିଥିଲେ। ପଚରାଉଚରାବେଳେ ସତ୍ୟତା ଜଣାପଡିଥିଲା। ପ୍ରଦ୍ୟୁମ୍ନ କୁମାର ଜିଲା ନ୍ୟାୟାଳୟରେ ବିଚାରପତିଙ୍କ ପାଠକ ଥିବାବେଳେ ସେହି କୋର୍ଟରେ ନୀତୁ ଜଣେ ଅଧିବକ୍ତା ଭାବେ କାର୍ଯ୍ୟ କରନ୍ତି। ପାରିବାରିକ ଝଗଡା କାରଣରୁ ସେ ନିଜ ସ୍ବାମୀଙ୍କୁ ହତ୍ୟା କରିବାକୁ ଚାହୁଁଥିଲେ।
