ନୂଆଦିଲ୍ଲୀ,୨୭।୯: କଂଗ୍ରେସ ଅଧ୍ୟକ୍ଷ ନିର୍ବାଚନ ପାଇଁ ବରିଷ୍ଠ ନେତା ତଥା ଏମ୍ପି ଶଶି ଥରୁର ସେପ୍ଟେମ୍ବର ୩୦ରେ ନାମାଙ୍କନ ଦାଖଲ କରିବେ। ସେପ୍ଟେମ୍ବର ୩୦ ପୂର୍ବାହ୍ନ ୧୧ଟାରେ ରାଷ୍ଟ୍ରପତି ପଦ ପାଇଁ ଶଶି ଥରୁର ନାମାଙ୍କନ ଦାଖଲ କରିବେ ବୋଲି ତାଙ୍କର ଜଣେ ପ୍ରତିନିଧୀ ଦଳର କେନ୍ଦ୍ରୀୟ ନିର୍ବାଚନ ପ୍ରାଧିକରଣର ଅଧ୍ୟକ୍ଷ ମଧୁସୂଦନ ମିସ୍ତ୍ରୀଙ୍କ କାର୍ଯ୍ୟାଳୟକୁ ମଙ୍ଗଳବାର ସୂଚନା ଦେଇଛନ୍ତି। କଂଗ୍ରେସ ରାଷ୍ଟ୍ରପତି ନିର୍ବାଚନ ସମ୍ପର୍କରେ ଏପର୍ଯ୍ୟନ୍ତ କରାଯାଇଥିବା ସମସ୍ତ କାର୍ଯ୍ୟ ବିଷୟରେ କଂଗ୍ରେସର ଅନ୍ତରୀଣ ଅଧ୍ୟକ୍ଷ ସୋନିଆ ଗାନ୍ଧୀଙ୍କୁ ସୂଚନା ଦିଆଯାଇଛି ବୋଲି ମିସ୍ତ୍ରୀ କହିଛନ୍ତି। ପୂର୍ବରୁ ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ ନିର୍ବାଚନ ଅନୁଷ୍ଠିତ ହେବ। ଅନ୍ୟପଟେ ଅଧ୍ୟକ୍ଷ ନିର୍ବାଚନରେ ଶଶି ଥରୁରଙ୍କୁ କିଏ ଟକ୍କର ଦେବ ସେନେଇ ସସ୍ପେନ୍ସ ଜାରି ରହିଛି। ଇତିମଧ୍ୟରେ ପୱନ ବନସଲଙ୍କ ଦ୍ୱାରା ମଧ୍ୟ ନାମାଙ୍କନ ପତ୍ର ନିଆଯାଇଛି। ତେବେ ଏନେଇ ପୱନ ବନସଲ କହିଛନ୍ତି ଯେ, ସେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ। ଅଧ୍ୟକ୍ଷ ପଦ ପାଇଁ ମୋର ନାମାଙ୍କନପତ୍ରର ପ୍ରଶ୍ନ ଉଠୁନାହିଁ। ଚଣ୍ଡିଗଡ଼ ଯିବା ପୂର୍ବରୁ ୨ଟି ଫର୍ମ ନେଇଥିଲି। ହେଲେ କୌଣସି ନିର୍ଦ୍ଧିଷ୍ଟ ବ୍ୟକ୍ତିଙ୍କ ପାଇଁ ଫର୍ମ ନେଇ ନାହିଁ ବୋଲି ପଓ୍ବନ କହିଛନ୍ତି।