ମୁମ୍ବାଇ: ଶେହନାଜ ଗିଲଙ୍କ ଲୋକପ୍ରିୟତା ଦିନକୁ ଦିନ ବଢ଼ିବାରେ ଲାଗିଛି। ଏକଦା ନିଜକୁ ‘ପଞ୍ଜାବର କ୍ୟାଟ୍ରିନା’ ବୋଲି କହିଥିବା ଶେହନାଜ ବର୍ତ୍ତମାନ କେବଳ ଦେଶରେ ନୁହେଁ ବିଦେଶରେ ମଧ୍ୟ ବେଶ୍ ପ୍ରସିଦ୍ଧି ଲାଭ କରିଛି। ତାଙ୍କର ଲୋକପ୍ରିୟତା ଏବେ ପାକିସ୍ତାନରେ ପହଞ୍ଚିଛି। ଆଜିକାଲି ପାକିସ୍ତାନୀ ସୋସିଆଲ ମିଡିଆରେ ଶେହନାଜ ବେଶ୍ ଚର୍ଚ୍ଚାରେ ରହିଛନ୍ତି।
କିଛି ଦିନ ପୂର୍ବରୁ ଶେହନାଜଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ଯେଉଁଥିରେ ସେ ଥଟ୍ଟା କରି ସେଲୁନ ବାହାରେ ଠିଆ ହୋଇଥିବା ଫଟୋଗ୍ରାଫରଙ୍କୁ କହିଥିଲେ ଯେ, ତାଙ୍କ ହେତୁ ସେ ୧ ହଜାର ଖର୍ଚ୍ଚ କରିଛନ୍ତି, କାରଣ ତାଙ୍କୁ ଷ୍ଟ୍ରେଟ୍ନିଙ୍ଗ୍ କରିବାକୁ ପଡ଼ିବ। ତାଙ୍କର ଏହି ଫଟୋ ଭାଇରାଲ ହୋଇ ଏତେ ପ୍ରସିଦ୍ଧି ହେଲା ଯେ, ପାକିସ୍ତାନୀ ଅଭିନେତ୍ରୀ ଯଶମା ଗିଲ୍ ମଧ୍ୟ ତାଙ୍କର ପ୍ରଶଂସକ ହୋଇଥିଲେ।
ଯଶମା ଶେହନାଜଙ୍କ ଏହି ଭିଡିଓ ଉପରେ ମନ୍ତବ୍ୟ ଦେଇ ତାଙ୍କୁ ପ୍ରଶଂସା କରିଥିଲେ। ଅନେକେ ତାଙ୍କ ଶୈଳୀକୁ ପ୍ରଶଂସା କରିଥିଲେ। ବିଗ୍ ବସ୍ ପରେ ଶେହନାଜ ଚର୍ଚ୍ଚାକୁ ଆସିଥିଲେ। ୨-୩ ବର୍ଷ ମଧ୍ୟରେ ସେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଥିଲେ। ଏବେ ତାଙ୍କର ଫଟୋ ଏବଂ ଭିଡିଓ ଚର୍ଚ୍ଚାରେ ରହିଛି।
ଖୁବ୍ଶୀଘ୍ର ଶେହନାଜ ବଲିଉଡ୍ରେ ଏଣ୍ଟ୍ରି କରିବାକୁ ଯାଉଛନ୍ତି। ଶେହନାଜ ବଲିଉଡ୍ ସୁପରଷ୍ଟାର ସଲମାନ ଖାନଙ୍କ ଫିଲ୍ମ ସହିତ ଡେବ୍ୟୁ କରିବେ।