ବିଗ୍ବସ୍-୧୩ର ପ୍ରତିଯୋଗୀ ଶେହନାଜ ଗିଲ୍ଙ୍କୁ ନେଇ ଏବେ ଚାରିଆଡେ ଚର୍ଚ୍ଚା। ତାଙ୍କ ସୁନ୍ଦରତା ଏବଂ ତାଙ୍କ ଚୁଲବୁଲି ଅନ୍ଦାଜରେ ଲକ୍ଷ ଲକ୍ଷ ଫ୍ୟାନ ଫିଦା। କେବଳ ସେତିକି ନୁହେଁ,ତାଙ୍କ କଥା କହିବା ଶୈଳୀ ସମସ୍ତଙ୍କୁ କରେ ଆଟ୍ରାକ୍ଟ। ବିଗ ବସ-୧୩ରୁ ରତାରାତି ଫେମସ ହୋଇଥିବା ଏହି ପଞ୍ଜାବୀ ଅଭିନେତ୍ରୀ ନିକଟରେ କନ୍ୟା ବେଶରେ ସଜେଇ ହୋଇଛନ୍ତି। କିନ୍ତୁ ନିଜ ବିବାହ ପାଇଁ ନୁହେଁ, ବରଂ ଏକ ରାମ୍ପ୍ ଶୋ’ ପାଇଁ ସେ ଲାଲ୍ ଲେହେଙ୍ଗା, ମଥାରେ ବିନ୍ଦି ପିନ୍ଧି କନ୍ୟା ବେଶରେ ନିଜକୁ ସଜେଇଛନ୍ତି। ଟାଇମ୍ସ ଫ୍ୟାଶନ ସପ୍ତାହରେ ଶେହନାଜ୍ ଏପରି ବେଶ ଧାରଣ କରିଥିଲେ।
ଅଭିନେତା ସିଦ୍ଧାର୍ଥ ଶୁକ୍ଲାଙ୍କ ମୃତ୍ୟୁ ପରେ ପୁରାପୁରି ଭାଙ୍ଗି ପଡିଥିଲେ ଶେହନାଜ ଗିଲ। ଏବେ ସେ ଧୀରେ ଧୀରେ ପୂର୍ବ ସ୍ଥିତିକୁ ଫେରିଛନ୍ତି। ପୁଣି ଥରେ କ୍ୟାମେରା ସାମ୍ନାକୁ ଆସିବାକୁ ଲାଗିଛନ୍ତି। ଶେହନାଜ୍ ଖୁବଶୀଘ୍ର ବଲିଉଡରେ ଏଣ୍ଟ୍ରି କରିବାକୁ ଯାଉଛନ୍ତି। ସେ ଖୁବ୍ଶୀଘ୍ର ସଲମାନ ଖାନ୍ଙ୍କ ଫିଲ୍ମ ‘କଭି ଇଦ୍ କଭି ଦିଓ୍ବାଲୀ’ରେ ନଜର ଆସିବେ। ଏହି ଫିଲ୍ମରେ ସେ ଆୟୁଷ ଖାନ୍ଙ୍କ ବିପକ୍ଷରେ ଅଭିନୟ କରିବେ।