ମୁମ୍ବାଇ: ବିଗ୍ ବସ୍ ସିଜନ-୧୩ ଫେମ୍ ତଥା ବଲିଉଡ୍ ଅଭିନେତ୍ରୀ ଶେହନାଜ ଗିଲ୍ ଚଳିତବର୍ଷ ସଲ୍ମାନଙ୍କ ଫିଲ୍ମ ‘କିସି କା ଭାଇ କିସି କି ଜାନ୍’ ଜରିଆରେ ତାଙ୍କ ବଲିଉଡ୍ କ୍ୟାରିୟର ଆରମ୍ଭ କରିଛନ୍ତି। ଏଥିରେ ତାଙ୍କୁ ଦର୍ଶକଙ୍କଠାରୁ ବେଶ୍ ଭଲପାଇବା ମିଳିଥିଲା। ଶେହନାଜ ସଲ୍ମାନଙ୍କ ସହ କାମ କରିବା ପରେ ଏବେ ଅଭିନେତା ରଣବୀର କପୁରଙ୍କ ସହ କାମ କରିବାକୁ ଚାହୁଁଥିବା ଏକ ସାକ୍ଷାତ୍କାରରେ ପ୍ରକାଶ କରିଛନ୍ତି। ଶେହନାଜ କହିଛନ୍ତି, ତାଙ୍କ ପାଇଁ ୨୦୨୩ ଅତ୍ୟନ୍ତ ମହତ୍ତ୍ୱପୂର୍ଣ୍ଣ। ପୂର୍ବରୁ ସେ ଛୋଟ ପିଲା ଥିଲେ, ଏବେ ପରିପକ୍ୱ ହୋଇଗଲେଣି। ସେ ଏବେ ସୁପରଷ୍ଟାରଙ୍କ ସହିତ କାମ କରିବାକୁ ଚାହୁଁଛନ୍ତି। ବର୍ତ୍ତମାନ ସେ ରଣବୀରଙ୍କ ସହିତ କାମ କରିବାକୁ ଇଚ୍ଛୁକ ଥିବା କହିଛନ୍ତି। ବ୍ୟକ୍ତିଗତ ଭାବେ ସେ କେବେ ରଣବୀରଙ୍କ ସହିତ ସାକ୍ଷାତ୍ କରିନାହାନ୍ତି, କିନ୍ତୁ ଦୂରରୁ ଦେଖିଛନ୍ତି। ସେ ବର୍ତ୍ତମାନ ଅଡିଶନ ଦେବାକୁ ପ୍ରସ୍ତୁତ ଅଛନ୍ତି। ତେବେ ଶେହନାଜ ଶେଷ ଥର ପାଇଁ ଫିଲ୍ମ ‘ଥାଙ୍କ ୟୁ ଫର୍ କମିଙ୍ଗ୍’ରେ ନଜରକୁ ଆସିଥିଲେ। ଆଗକୁ ତାଙ୍କ ପାଖରେ ଆଉ ଏକ ଫିଲ୍ମ ରହିଛି।
