ମୁମ୍ବାଇ: ବଲିଉଡ ଅଭିନେତ୍ରୀ ଶେର୍ଲିନ ଚୋପ୍ରା ତାଙ୍କ ବୟାନକୁ ନେଇ ଅନେକ ସମୟରେ ହେଡଲାଇନରେ ରହିଛନ୍ତି। ସେ ସବୁ ପ୍ରସଙ୍ଗ ଉପରେ ନିଜର ମତାମତ ଦେବାକୁ ପଛଘୁଞ୍ଚା ଦିଅନ୍ତି ନାହିଁ। ଆଜିକାଲି ଏହି ଅଭିନେତ୍ରୀ ସୋସିଆଲ ମିଡିଆରେ ଖୁବ ଆକ୍ଟିଭ ରହିଛନ୍ତି। ସେ ପ୍ରତିଦିନ କିଛି ନା କିଛି ଶେୟାର କରିଥାଆନ୍ତି। ନିକଟରେ ସେ ସୋସିଆଲ ମିଡିଆରେ ଏକ ଭିଡିଓ ସେୟାର କରିଥିଲେ ଯାହା ଭାଇରାଲ ହୋଇଛି। କଂଗ୍ରେସ ନେତା ରାହୁଲ ଗାନ୍ଧୀଙ୍କ ବିଷୟରେ ସେ ଏକ ବୟାନ ଦେଇଛନ୍ତି। କଥା ହେଲା ସେ ରାହୁଲ ଗାନ୍ଧୀଙ୍କୁ ବିବାହ କରିବାକୁ ଚାହୁଁଛନ୍ତି।
ଶେର୍ଲିନ ଚୋପ୍ରା ଆଜିକାଲି ପାପାରାଜି ପାଇଁ ପୋଜ ଦେବାକୁ ପଛଘୁଞ୍ଚା ଦେଉ ନାହାନ୍ତି। ସମ୍ପ୍ରତି ସେ ପାପାରାଜି ପାଇଁ ପୋଜ ଦେଇଥିଲେ ଏବଂ ତାଙ୍କ ପ୍ରଶଂସକଙ୍କ ସହିତ ଫଟୋ କ୍ଲିକ କରିଥିଲେ। ଏହି ସମୟରେ ଜଣେ ତାଙ୍କୁ ରାହୁଲ ଗାନ୍ଧୀଙ୍କୁ ବିବାହ ବିଷୟରେ ପଚାରିଥିଲେ। ସେ କହିଥିଲେ- ଆପଣ ରାହୁଲ ଗାନ୍ଧୀଙ୍କୁ ବିବାହ କରିପାରିବେ କି? ସେ କହିଥିଲେ କାହିଁକି ନୁହେଁ। ହେଲେ ଏସ ଏଥିପାଇଁ ଏକ ସର୍ତ୍ତ ରଖିଛନ୍ତି। ଅଭିନେତ୍ରୀ କହିଛନ୍ତି ସେ ରାହୁଲ ଗାନ୍ଧୀଙ୍କୁ ବିବାହ କରିପାରିବେ ହେଲେ ବିବାହ ପରେ ସେ ତାଙ୍କ ସରନେମ ଚେଞ୍ଜ କରିପାରିବେ ନାହିଁ। ଏବେ ଏହି ଭିଡିଓ ଭାଇରାଲ ହେଉଥିବା ବେଳେ ଏହାକୁ ନେଇ କିନ୍ତୁ କଂଗ୍ରେସ ନେତାଙ୍କର କୌଣସି ପ୍ରତିକ୍ରିୟା ଆସିନାହିଁ।
