ମୁମ୍ବାଇ: ବଲିଉଡ ଅଭିନେତା ଫରହାନ ଅଖତର ମିସ ମାର୍ବଲ ମାଧ୍ୟମରେ ହଲିଉଡରେ ଡେବ୍ୟୁ କରିଛନ୍ତି । ତେବେ ଫରହାନଙ୍କ ଏହି ସଫଳତାକୁ ନେଇ ସବୁଠାରୁ ଅଧିକ ଖୁସି ଅଛନ୍ତି ଶିବାନି ଦାଣ୍ଡେକର । ସେ କହିଛନ୍ତି ସ୍ୱାମୀଙ୍କ ଏହି ସଫଳତାକୁ ନେଇ ମୁଁ ଗର୍ବିତ । ଶିବାନି ଇନଷ୍ଟାଗ୍ରାମ ଷ୍ଟୋରୀରେ ତାଙ୍କ ଏକ୍ସାଇଟମେଣ୍ଟକୁ ଜାହିର କରିଛନ୍ତି । ଆଉ ଲେଖିଛନ୍ତି ଏଥିପାଇଁ ମୁଁ ଆଉ ଅପେକ୍ଷା କରିପାରୁନି । ମୋ ସ୍ୱାମୀଙ୍କ ଉପରେ ମୁଁ ଖୁବ୍ ଗର୍ବ କରେ ।
ଦାଣ୍ଡେକର ତାଙ୍କ ପୋଷ୍ଟରେ ଏକ ଟିଜର ବି ଶେୟାର କରିଛନ୍ତି । ଯେଉଁଥିରେ ଫରହାନଙ୍କ ଫାଷ୍ଟ ଲୁକ ନଜର ଆସିଛି । ସେଥିରେ ଫରହାନଙ୍କ ଲମ୍ବା କେଶ ସହ ଦାଢି ନିଶ ବି ଦେଖିବାକୁ ମିଳିଛି । ଟିଜରରେ ଫରହାନ କମଲା ଖାଁଙ୍କୁ କହୁଛନ୍ତି ଯାହାକୁ ଆପଣ ଖୋଜୁଛନ୍ତି ସେ ଆପଣଙ୍କୁ ଖୋଜୁଛି ।
ମାର୍ବଲ ଷ୍ଟୁଡିଓଜର ଅରିଜନାଲ ସିରିଜ ମିସ୍ ମାର୍ବଲ ହିନ୍ଦୀ, ତାମିଲ. ତେଲଗୁ, ମାଲୟାଲମ ଓ ଇଂରାଜୀରେ ଷ୍ଟ୍ରିମ ହୋଇସାରିଛି ।