ମୁମ୍ବାଇ,୧ ।୧୧: ଭାରତୀୟ ମିଡିଆ ମୋଗଲ ଶିବାଶିଷ ସରକାରଙ୍କ ଦ୍ୱାରା ଗତବର୍ଷ ଲଞ୍ଚ କରାଯାଇଥିବା ବିଶେଷ ପ୍ରୟୋଜନ ଅଧିଗ୍ରହଣ କମ୍ପାନୀ(ଏସପିଏସି) ଇଣ୍ଟରନ୍ୟାଶନାଲ ମିଡିଆ ଏକ୍ୱିଜିଶେନ କର୍ପ ରିସି ଏଣ୍ଟରଟେନମେଣ୍ଟ ଓ ରିଲାଏନ୍ସ ଏଣ୍ଟରଟେନମେଣ୍ଟ ଷ୍ଟୁଡିଓଜକୁ କିଣି ନେଇଛନ୍ତି ।
ଏହି ଦୁଇଟି କମ୍ପାନୀ ପାଇଁ ୧୪୦ ମିଲିୟନ ଡଲାର ଚୁକ୍ତି ହୋଇଛି । ଏହି ଚୁକ୍ତି ଅନୁଯାୟୀ, ମୋଟ ୧୦୨ ନିୟୁତ ଡଲାର (ପ୍ରାୟ ୮.୪୪ ବିଲିୟନ ଟଙ୍କା) ନଗଦ ଏବଂ ୩୮ ମିିଲିୟନ ଡଲାର(ପ୍ରାୟ ୩.୧୪ବିଲିୟନ ଟଙ୍କା) ବିନିଯୋଗ ଭାବେ ଦିଆଯିବ । ଏହି ଚୁକ୍ତି ସହିତ ରିଲାଏନ୍ସ ଏଣ୍ଟରଟେନମେଣ୍ଟର ପୂର୍ବତନ ସିଇଓ ଶିବାଶିଷ ତାଙ୍କର ବହୁ ପୂର୍ବତନ ସହଯୋଗୀଙ୍କ ସହ ପୁନର୍ବାର ମିଳିତ ହେବାର ସୁଯୋଗ ପାଇବେ, ଯେଉଁମାନେ ଏସପିଏସି ପ୍ରତିଷ୍ଠା ପରେ ତାଙ୍କଠାରୁ ଅଲଗା ହୋଇଯାଇଥିଲେ । ଗତବର୍ଷ ନାସଡାକ୍(ନ୍ୟାଶନାଲ ଆସୋସିଏଶନ ଅଫ୍ ସିକ୍ୟୁରିଟି ଡିଲର ଅଟୋମେଟେଡ କୋଟେସନ)ରେ ଅନ୍ତର୍ଜାତୀୟ ମିଡିଆ ଅଧିଗ୍ରହଣ କର୍ପ(ଆଇଏମଏକ୍ୟୁ) ଦ୍ୱାରା ଏସପିଏସି ଅନେକ ଉଚ୍ଚ ପ୍ରୋଫାଇଲ ଭାରତୀୟ ମନୋରଞ୍ଜନ ଦୁନିଆର ବ୍ୟକ୍ତିତ୍ୱ ଏବଂ ମିଡିଆ କମ୍ପାନୀ ସହଯୋଗରେ ଆରମ୍ଭ କରାଯାଇଥିଲା । ନାସଡାକ୍ ହେଉଛି ନ୍ୟୁୟର୍କ ସିଟିରେ ଅବସ୍ଥିତ ଏକ ଆମେରିକୀୟ ଷ୍ଟକ ଏକ୍ସଚେଞ୍ଜ ।