କଲମ୍ବୋ,୩୦।୭: ଶ୍ରୀଲଙ୍କା ଗସ୍ତରେ ଭାରତୀୟ ଦଳର ଅଧିନାୟକ ଦାୟିତ୍ୱ ସମ୍ଭାଳିଥିଲେ ଶିଖର ଧାଓ୍ବନ। ତେବେ ସିରିଜର ତୃତୀୟ ତଥା ନିର୍ଣ୍ଣାୟକ ଟି -୨୦ରେ ତାଙ୍କ ନାମରେ ଏକ ଖରାପ ରେକର୍ଡ ନାମିତ ହୋଇଛି। ଶେଷ ଟି-୨୦ ମ୍ୟାଚ୍ରେ ଧାଓ୍ବନ ଖାତା ଖୋଲି ନ ପାରି ପାଭିଲିୟନକୁ ଫେରିଥିଲେ। ସେ ଇନିଂସର ପ୍ରଥମ ବଲ ଖେଳୁଥିବାବେଳେ ଦୁଷ୍ମାନତା ଚାମିରା ତାଙ୍କୁ ଆଉଟ୍ କରିଥିଲେ। ଧାୱନ ପ୍ରଥମ ଭାରତୀୟ ଅଧିନାୟକ ଭାବେ ‘ଗୋଲଡେନ ଡକ’ରେ ଆଉଟ୍ ହୋଇଥିଲେ।
କଲମ୍ବୋସ୍ଥିତ ଆର ପ୍ରେମଦାସା ଷ୍ଟାଡିୟମରେ ଶ୍ରୀଲଙ୍କା ବିପକ୍ଷ ତୃତୀୟ ଟି-୨୦ ଅନ୍ତର୍ଜାତୀୟ ମ୍ୟାଚରେ ଭାରତର ଅଧିନାୟକ ଶିଖର ଧାୱନ ଟସ ଜିତି ବ୍ୟାଟିଂ କରିବାକୁ ନିଷ୍ପତ୍ତି ହୋଇଥିଲେ। ତେବେ ଏହି ନିଷ୍ପତ୍ତି ସଠିକ ପ୍ରମାଣିତ ହୋଇ ନ ଥିଲା ଏବଂ ଦଳ ୫ ଓଭର ମଧ୍ୟରେ ମାତ୍ର ୨୫ ରନରେ ୪ ଉଇକେଟ ହରାଇଥିଲା। ଧାୱନ ନିଜେ ଇନିଂସର ଚତୁର୍ଥ ବଲରେ ଆଉଟ ହୋଇଥିଲେ।
ଆଇପିଏଲରେ ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ପ୍ରତିନିଧିତ୍ୱ କରୁଥିବା ଧାୱନ ତାଙ୍କ କ୍ୟାରିୟରର ୬୮ ତମ ଟି -୨୦ ଅନ୍ତର୍ଜାତୀୟ ମ୍ୟାଚ ଖେଳୁଥିଲେ। ଏହାପୂର୍ବରୁ ସେ ଟି -୨୦ ଅନ୍ତର୍ଜାତୀୟ କ୍ୟାରିୟରରେ ମୋଟ ୧୭୫୯ ରନ ସ୍କୋର କରିଥିଲେ। ସେଥିରେ ୧୧ଟି ଅର୍ଦ୍ଧଶତକ ଅନ୍ତର୍ଭୁକ୍ତ। ଧାୱନଙ୍କ ଟି -୨୦ ଆନ୍ତର୍ଜାତୀୟ କ୍ୟାରିୟରରେ ଏହା ତାଙ୍କର ପ୍ରଥମ ଗୋଲ୍ଡେନ ଡକ ଥିଲାବେଳେ ତାଙ୍କ ଅନ୍ତର୍ଜାତୀୟ କ୍ୟାରିୟରରେ ତୃତୀୟ ଥର ପାଇଁ ଏହା ଘଟିଥିଲା।
