କଲମ୍ବୋ,୧୯।୭: ଶ୍ରୀଲଙ୍କା ବିପକ୍ଷ ପ୍ରଥମ ଦିନିକିଆ କ୍ରିକେଟ ମ୍ୟାଚ୍ରେ ବିଜୟର ଶ୍ରେୟ ଦଳର ଅଲରାଉଣ୍ଡ ପ୍ରଦର୍ଶନକୁ ଦେଇଛନ୍ତି ଅଧିନାୟକ ଶିଖର ଧାଓ୍ବନ। ରବିବାର ଖେଳାଯାଇଥିବା ଏହି ମ୍ୟାଚ୍ରେ ଭାରତ ୭ ଉଇକେଟରେ ଶ୍ରୀଲଙ୍କାକୁ ପରାସ୍ତ କରିଥିଲା। ଧାଓ୍ବନ ନିଜେ ୯୫ ବଲ୍ରୁ ୮୬ରନ୍ କରିଥିବା ବେଳେ ଇଶାନ କିଶନ ୫୯, ମନୀଷ ପାଣ୍ଡେ ୨୬, ପୃଥ୍ବୀ ଶ’ ୪୩ ରନ୍ କରିଥିଲେ। ଭାରତ ୩୬.୪ ଓଭରରେ ୨୬୩ରନ୍ର ବିଜୟ ଲକ୍ଷ୍ୟକୁ ହାସଲ କରିନେଇଥିଲା। ଏହି ଇନିଂସରେ ଧାଓ୍ବନ ଦିନିକିଆ କ୍ରିକେଟରେ ୬୦୦୦ ରନ୍ ପୂରଣ କରିବାରେ ଦଶମ ଭାରତୀୟ ବ୍ୟାଟ୍ସମ୍ୟାନ୍ ପାଲଟିଥିଲେ।
ତେବେ ମ୍ୟାଚ୍ ଶେଷ ହେବା ପରେ ଧାଓ୍ବନ କହିଛନ୍ତି, ଆମର ସମସ୍ତ ଖେଳାଳି ବହୁତ ପରିପକ୍ୱ ଏବଂ ଆକ୍ରମଣାତ୍ମକ। ସେ ଭଲ ପ୍ରଦର୍ଶନ କରିଛନ୍ତି। ମୁଁ ଏଥିପାଇଁ ବହୁତ ଖୁସି। ତିନି ସ୍ପିନର ୟୁଜବେନ୍ଦ୍ର ଚହଲ, କୁଲଦୀପ ଯାଦବ, କୃନାଲ ପାଣ୍ଡ୍ୟା ଭଲ ବୋଲିଂ କରି ମ୍ୟାଚ୍ରେ ଭାରତର ସ୍ଥିତି ସୁଦୃଢ଼ କରିଥିଲେ। ଅପରପକ୍ଷେ ପୃଥ୍ବୀ ଏବଂ ଇଶାନ ଭଲ ବ୍ୟାଟିଂ କରିଥିଲେ। ତାଙ୍କୁ ଖେଳୁଥିବା ଦେଖି ବହୁତ ଭଲ ଲାଗିଲା। ମୁଁ ସେମାନଙ୍କୁ ଯତ୍ନର ସହ ଖେଳିବାକୁ କହିଥିଲି। ଏହି ଖେଳାଳିମାନେ ଆଇପିଏଲ୍ରେ ଖେଳି ଅନେକ ଅଭିଜ୍ଞତା ପାଇଛନ୍ତି। ସେମାନେ ପ୍ରଥମ ୧୫ ଓଭରରେ ମ୍ୟାଚ୍ ଶେଷ କରିଦେଇଥିଲେ।