କଲମ୍ବୋ,୩୦।୭: କଲମ୍ବୋରେ ଚାଲିଥିବା ତୃତୀୟ ଟି-୨୦ ଅନ୍ତର୍ଜାତୀୟ ମ୍ୟାଚ୍ରେ ଶ୍ରୀଲଙ୍କା ଦଳ ଭାରତକୁ ୭ ଉଇକେଟରେ ପରାସ୍ତ କରି ମ୍ୟାଚ୍ ଓ ସିରିଜ୍ ଜିତିଛି। ଟସ୍ ଜିତିବା ପରେ ଭାରତୀୟ ଦଳ ପ୍ରଥମେ ବ୍ୟାଟିଂ କରିଥିଲା। ହେଲେ ଶ୍ରୀଲଙ୍କା ବୋଲରଙ୍କ ଉଲ୍ଲେଖନୀୟ ବ୍ୟାଟିଂ ଯୋଗୁ ଭାରତ ୨୦ ଓଭରରେ ମାତ୍ର ୮୨ ରନ୍ କରିପାରିଥିଲା। ଟାର୍ଗେଟକୁ ପିଛା କରି ଶ୍ରୀଲଙ୍କା ୩ ଉଇକେଟ ହରାଇ ବିଜେତା ହୋଇଥିଲା। ଏହି ଲଜ୍ଜାଜନକ ପରାଜୟ ପରେ ଦଳର ଅଧିନାୟକ ଶିଖର ଧାଓ୍ବନ ନିଜର ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, ଏହା ଆମ ପାଇଁ ଅତ୍ୟନ୍ତ କଠିନ ପରିସ୍ଥିତି ଥିଲା। କିନ୍ତୁ ଆମେ ସିରିଜ ଖେଳିବୁ। ପ୍ରଥମ ଥର ପାଇଁ ଅଧିନାୟକ ଭାବେ ବହୁତ କିଛି ଶିଖିଲି। ଶେଷ ମ୍ୟାଚ୍ ବହୁତ ସଂଘର୍ଷପୂର୍ଣ୍ଣ ଥିଲା। ଦିନଟି ବ୍ୟାଟ୍ସମ୍ୟାନଙ୍କ ପାଇଁ ଖରାପ ଦିନ ଥିଲା। ହେଲେ ଖେଳାଳିମାନେ ଏଥିରୁ କିଛି ଶିଖିବେ। ମ୍ୟାଚ୍ରେ ଆମେ ଅନେକ ଉଇକେଟ ହରାଇଲୁ। ଅପରପକ୍ଷେ ଶ୍ରୀଲଙ୍କା ବୋଲର୍ମାନେ ଭଲ ବୋଲିଂ କରିଥିଲେ। ଯଦି ପ୍ରାରମ୍ଭରେ ଆପଣ ଉଇକେଟ ହରାଉଛେ ଏବଂ ବ୍ୟାଟିଂ ନିମନ୍ତେ ସେତେ ବ୍ୟାଟ୍ସମ୍ୟାନ୍ ନାହାନ୍ତି ତେବେ ଦଳ ଚାପରେ ରହିଥାଏ ବୋଲି ସେ କହିଛନ୍ତି।
