ଚଣ୍ଡିଗଡ଼,୪।୧୧: ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ୍) ୨୦୨୩ ସଂସ୍କରଣ ପାଇଁ ପଞ୍ଜାବ କିଙ୍ଗ୍ସ ଅଧିନାୟକ ମୟଙ୍କ ଅଗ୍ରୱାଲଙ୍କୁ ହଟାଇ ତାଙ୍କ ସ୍ଥାନରେ ଶିଖର ଧାୱନଙ୍କୁ ନୂତନ ଅଧିନାୟକ ଭାବେ ଚୟନ କରିଛି। ବୁଧବାର ଫ୍ରାଞ୍ଚାଇଜ୍ ବୋର୍ଡ ବୈଠକରେ ଧାୱନଙ୍କ ନାମକୁ ଅନୁମୋଦନ କରାଯାଇଥିଲା। ଏବେ ମୟଙ୍କଙ୍କୁ ଦଳରେ ରଖିବେ ନା ଅନ୍ୟ ଦଳକୁ ଛାଡି ଦିଆଯିବ ସେନେଇ କୌଣସି ନିଷ୍ପତ୍ତି ନିଆଯାଇନାହିଁ। ଅନ୍ୟପକ୍ଷେ ନଭେମ୍ବର ୧୫ ତାରିଖ ସୁଦ୍ଧା ଖେଳାଳିଙ୍କୁ ଛାଡିବା ନେଇ ତାଲିକା ଦାଖଲ କରାଯିବ। ଗତବର୍ଷ ମୟଙ୍କ ୧୪ କୋଟିରେ ପଞ୍ଜାବ କିଙ୍ଗ୍ସ ସହ ରହିଥିଲେ।