ଅହମ୍ମଦାବାଦ,୩୦।୪ : ଟିମ୍ ଇଣ୍ଡିଆ ଓ ଦିଲ୍ଲୀ କ୍ୟାପିଟାଲ୍ସ ବ୍ୟାଟ୍ସମ୍ୟାନ ଶିଖର ଧାଓ୍ବନ ମିଶନ ଅକ୍ସିଜେନ ପାଇଁ ୨୦ ଲକ୍ଷ ଟଙ୍କା ଓ ଆଇପିଏଲ ମ୍ୟାଚ୍ରେ ଶ୍ରେଷ୍ଠ ପ୍ରଦର୍ଶନ ପାଇଁ ମିଳୁଥିବା ଅର୍ଥ ରାଶିକୁ ଦାନ କରିବେ। ଗୁରୁତର କୋଭିଡ୍-୧୯ ଆକ୍ରାନ୍ତଙ୍କ ପାଇଁ ଉଦ୍ୟୋଗୀଙ୍କ ଏକ ଗ୍ରୁପ ବିଭିନ୍ନ ଦେଶରୁ ଅକ୍ସିଜେନ କନସେନଟ୍ରେଟର୍ସ ଯୋଗାଡ଼ କରୁଛି, ଯାହାକୁ ବିଭିନ୍ନ ହସ୍ପିଟାଲକୁ ପଠା ଯାଉଛି। ଏହି ଗ୍ରୁପକୁ କିମ୍ବଦନ୍ତୀ ଭାରତୀୟ କ୍ରିକେଟ ସଚିନ ତେନ୍ଦୁଲକର ୧ କୋଟି ଟଙ୍କା ଦାନ କରିଥିଲେ।
କରୋନା ଯୋଦ୍ଧାଙ୍କୁ ସେମାନଙ୍କ ଅବିଶ୍ୱସନୀୟ ସେବା ପାଇଁ ମୁଁ ଧନ୍ୟବାଦ ଦେଉଛି। ସେମାନଙ୍କ ନିକଟରେ ଆମେ ସର୍ବଦା ରୁଣି ହୋଇ ରହିବୁ। ସଭିଙ୍କୁ କୋଭିଡ୍ ଗାଇଡ୍ଲାଇନ ପାଳନ କରିବାକୁ ମୁଁ ପରାମର୍ଶ ଦେଉଛି ବୋଲି ଧାଓ୍ବନ ଟୁଇଟ୍ କରିଛନ୍ତି।