ନୂଆଦିଲ୍ଲୀ,୨୫।୫: ଟିମ ଇଣ୍ଡିଆରୁ ବାଦ୍ ପଡିଥିବା ଓପନର୍ ଶିଖର ଧାୱନ ତାଙ୍କ ଶୋ’ ପାଇଁ ଆଜିକାଲି ଚର୍ଚ୍ଚାରେ ଅଛନ୍ତି। ଆନ୍ତର୍ଜାତୀୟ କ୍ରିକେଟକୁ ଧାୱନଙ୍କ ପ୍ରତ୍ୟାବର୍ତ୍ତନ ବର୍ତ୍ତମାନ କଷ୍ଟସାଧ୍ୟ। ଆହତ କାରଣରୁ ସେ ଏହି ସିଜନରେ ଆଇପିଏଲ ମଧ୍ୟଭାଗରୁ ଓହରି ଯାଇଥିଲେ। ପଞ୍ଜାବ କିଙ୍ଗସର ଅଧିନାୟକ ଧାୱନଙ୍କ ସ୍ଥାନରେ କିଛି ମ୍ୟାଚରେ ସୌମ କରେନ ପଞ୍ଜାବ କିଙ୍ଗ୍ସର ଅଧିନାୟକ ଦାୟିତ୍ୱ ନେଇଥିଲେ। ଧାୱନଙ୍କ କ୍ରିକେଟ କ୍ୟାରିୟର ବର୍ତ୍ତମାନ ତଳକୁ ଖସୁଛି। ଏବେ ସେ ଜାତୀୟ ଦଳରେ ସ୍ଥାନ ପାଇନାହାଁନ୍ତି। ଧାୱନ ନିଜ ସହ ଜଡିତ ଏକ ଗୁଜବ ପ୍ରକାଶ କରିଛନ୍ତି। ଭାରତୀୟ ଦଳର ଓପନର୍ ଏହାକୁ ଏକ ଅଜବ ଗୁଜବ ବୋଲି କହିଛନ୍ତି।
ପଞ୍ଜାବ କିଙ୍ଗ୍ସର ଅଧିନାୟକ ଶିଖର ଧାୱନ କହିଛନ୍ତି ଯେ ଥରେ ସେ ଶୁଣିଥିଲେ ଯେ ସେ ପୂର୍ବତନ ଟିମ ଇଣ୍ଡିଆର ଅଧିନାୟକ ମିତାଲି ରାଜଙ୍କୁ ବିବାହ କରୁଛନ୍ତି। ଜିଓ ସିନେମାରେ ‘ଧୱନ କରେଙ୍ଗେ’ ଶୋ’ରେ ସେ କହିଛନ୍ତି,’ ମୁଁ ଶୁଣିଥିଲି ଯେ ମୁଁ ମିତାଲି ରାଜଙ୍କୁ ବିବାହ କରିବାକୁ ଯାଉଛି। ମିତାଲି ରାଜ ବର୍ତ୍ତମାନ ଓମେନ ପ୍ରିମିୟର ଲିଗ ଫ୍ରାଞ୍ଚାଇଜି ଗୁଜରାଟ ଜାଏଣ୍ଟସର ମେଣ୍ଟର ଅଛନ୍ତି। ତେବେ ତାଙ୍କ ସହ ଧାଓ୍ବନଙ୍କ ବିବାହକୁ ସେ ଗୁଜବ ବୋଲି କହିଛନ୍ତି। ଏହି ସମୟରେ ଧୱନ ଦିଲ୍ଲୀ କ୍ୟାପିଟାଲ୍ସର ଅଧିନାୟକ ଋଷଭ ପନ୍ତଙ୍କୁ ପ୍ରଶଂସା କରିଛନ୍ତି, ଯିଏକି ଆହତ ଅବସ୍ଥାରେ ସୁସ୍ଥ ହୋଇ ଭାରତର ଟି -୨୦ ବିଶ୍ୱକପ ଦଳକୁ ଫେରିଛନ୍ତି।