ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀ ଏବଂ ତାଙ୍କ ବ୍ୟବସାୟୀ ସ୍ବାମୀ ରାଜ କୁନ୍ଦ୍ରାଙ୍କ ସମସ୍ୟା ଦୂର ହେବାର ନାଁ ନେଉନାହିଁ। ଏବେ ଉଭୟଙ୍କ ନାଁରେ ଠକେଇ ଅଭିଯୋଗ ଆସିଛି। ମୁମ୍ବାଇର ଜଣେ ବ୍ୟବସାୟୀ ନୀତିନ ବରଇ ଶିଳ୍ପା ତାଙ୍କ ସ୍ବାମୀ ରାଜ ଓ ଅନ୍ୟ କିଛି ଲୋକଙ୍କ ବିରୋଧରେ ଦେଢ କୋଟି ଟଙ୍କାର ଠକେଇ ମାମଲା ରୁଜୁ ହୋଇଛି। ଉଭୟଙ୍କ ନାଁରେ ବାନ୍ଦ୍ରା ପୋଲିସ ଷ୍ଟେଶନରେ ଦେଢ କୋଟି ଟଙ୍କା ହଡପ ମାମଲା ରୁଜୁ ହୋଇଥିବା ବେଳେ ପୋଲିସ ପଚରାଉଚରା କରିବାକୁ ସଜବାଜ ହେଉଛି।
ଏଭଳି ଅଭିଯୋଗ ଆସିବା ପରେ ଶିଳ୍ପା ଏଫଆଇଆର୍ ସମ୍ବନ୍ଧରେ ଏକ ସ୍ପଷ୍ଟୀକରଣ ଜାରି କରିଛନ୍ତି ଏବଂ ଆଇନର ଆଭିମୁଖ୍ୟରେ ତାଙ୍କ ନାଗରିକ ଅଧିକାରର ସୁରକ୍ଷା ପାଇଁ ସର୍ବସାଧାରଣରେ ଆବେଦନ କରିଛନ୍ତି। ସେ ତାଙ୍କ ସୋସିଆଲ ମିଡିଆରେ ଏକ ନୋଟ ଶେୟାର କରିଥିଲେ। ସେ ଲେଖିଛନ୍ତି, ମୁଁ ସକାଳେ ଉଠିବା ମାତ୍ରେ ଏଫଆଇଆରରେ ନିଜ ଏବଂ ରାଜଙ୍କ ନାମ ଦେଖି ମୁଁ ଆଶ୍ଚର୍ଯ୍ୟ ହୋଇ ଯାଇଥିଲି। ମୁଁ କାହାଠୁ ଟଙ୍କାଟେ ବି ଆଣିନି। ମୁଁ ଆଜି ଯେଉଁ ସ୍ଥାନରେ ଅଛି, ତାହା ମୋର ଗତ ୨୮ ବର୍ଷର ପରିଶ୍ରମର ଫଳ। ହେଲେ ଏବେ ମୋ ନାଁକୁ ବଦନାମ କରାଯାଉଛି । ମୋ ମାନ, ସମ୍ମାନକୁ ଦଳିଚକଟି ନଷ୍ଟ କରାଯାଉଛି, ଫଳରେ ମୋ ପ୍ରତିଷ୍ଠା ଉପରେ ଆଞ୍ଚ ଆସୁଛି। ଏହା ମୋତେ ଖୁବ କଷ୍ଟ ଦେଉଛି ବୋଲି ଶିଳ୍ପା କହିଛନ୍ତି।
ଅଶ୍ଳୀଳ ଭିଡିଓ ତିଆରି କରୁଥିବା ମାମଲାରେ ରାଜ କୁନ୍ଦ୍ରା ଦୀର୍ଘ ଦିନ ଜେଲ୍ରେ ରହି ଫେରିବା ପରେ କିଛି ଦିନ ପୂର୍ବେ ବାହାରକୁ ଆସିଛନ୍ତି। ଏହାମଦ୍ୟରେ ସେ ସୋଶାଲ ମିଡିଆରୁ ଦୂରେଇ ଯାଇଥିବା ବେଳେ ଇନଷ୍ଟା, ଟୁଇଟରରୁ ନିଜ ଆକାଉଣ୍ଟ ଡିଲିଟ କରି ଦେଇଥିଲେ। ଉଭୟ ରାଜ ଓ ଶିଳ୍ପା ଦେବୀ ଦର୍ଶନ ପାଇଁ ହିମାଚଳ ପ୍ରଦେଶ ଯାଇଥିଲେ।