ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ସ୍ବାମୀ ରାଜ କୁନ୍ଦ୍ରା ଅଶ୍ଳୀଳ ଭିଡିଓ ତିଆରି ଅଭିଯୋଗରେ ଗିରଫ ହୋଇଛନ୍ତି। ପ୍ରଥମ ଥର ପାଇଁ ଶିଳ୍ପ୍ବା ଏହି ସମଗ୍ର ବିବାଦ ଉପରେ ନୀରବତା ଭାଙ୍ଗିଛନ୍ତି। ଆଜି ଏକ ବିବୃତ୍ତି ଜାରି କରି ଶିଳ୍ପା ସେଟ୍ଟୀ ଲେଖିଛନ୍ତି ଯେ, ଏହି ମାମଲା କୋର୍ଟରେ ଥିବାରୁ ସେ ଏହି ପ୍ରସଙ୍ଗରେ ଚୁପ ରହିବେ। ଶିଳ୍ପା ଲେଖିଛନ୍ତି ଯେ, ହଁ, ଗତ କିଛି ଦିନ ମୋ ପାଇଁ ବହୁତ କଷ୍ଟସାଧ୍ୟ ହୋଇଛି। ମୋ ଏବଂ ମୋ ପରିବାର ବିରୋଧରେ ଅନେକ ଅଭିଯୋଗ ରହିଛି। ମୋତେ ଟ୍ରୋଲ କରାଯାଇଛି କେବଳ ମୁଁ ନୁହେଁ, ମୋ ପରିବାର ମଧ୍ୟ ଏହା ମଧ୍ୟକୁ ଟାଣି ହୋଇଛନ୍ତି। ମୁଁ ଏ ପର୍ଯ୍ୟନ୍ତ କୌଣସି ମନ୍ତବ୍ୟ ଦେଇ ନାହିଁ, ଆଗକୁ ବି କରିବି ନାହିଁ। କାରଣ ଏହି ମାମଲା କୋର୍ଟରେ ଅଛି। ତୁମେମାନେ ମୋ ପକ୍ଷରୁ ଭୁଲ କୋଟ ଲେଖିବା ବନ୍ଦ କର। ମୁଁ କେବଳ ଏତିକି କହିପାରେ ଯେ, ଏହି ଘଟଣାର ତଦନ୍ତ ଚାଲିଛି ଏବଂ ମୁମ୍ବାଇ ପୋଲିସ ଏବଂ ଆମର ନ୍ୟାୟପାଳିକା ଉପରେ ମୋର ସମ୍ପୂର୍ଣ୍ଣ ବିଶ୍ୱାସ ରହିଛି ଜଣେ ମା’ ହିସାବରେ ମୁଁ ମୋ ପିଲାମାନଙ୍କର ଗୋପନୀୟତା ପାଇଁ ଅନୁରୋଧ କରୁଛି। ଯାଞ୍ଚ ନକରି ଆମ ବିଷୟରେ କୌଣସି ଖବର ପ୍ରକାଶ କରନ୍ତୁ ନାହିଁ। ମୁଁ ଜଣେ ଭାରତର ନାଗରିକ ଏବଂ ସମସ୍ତ ନିୟମ ପାଳନ କରୁଛି। ସେ ୨୯ ବର୍ଷ ଧରି କଠିନ ପରିଶ୍ରମ କରୁଛି। ଲୋକମାନେ ତାଙ୍କ ଉପରେ ବିଶ୍ୱାସ କରନ୍ତି ଏବଂ ମୁଁ କାହାକୁ ହତାଶ କରିବି ନାହିଁ ବୋଲି ସେ କହିଛନ୍ତି। ଶେଷରେ ସେ ଲେଖିଛନ୍ତି, ମୋର ଏବଂ ମୋ ପରିବାରର ଗୋପନୀୟତା ଅଧିକାର ଅଛି। ମିଡିଆ ପରୀକ୍ଷା କରନ୍ତୁ ନାହିଁ । ଆଇନକୁ ତା’ କାମ କରିବାକୁ ଦିଅନ୍ତୁ। ସତ୍ୟମେବ ଜୟତେ! ’
ଶିଳ୍ପା ସେଟ୍ଟୀଙ୍କ ସ୍ବାମୀ ରାଜ କୁନ୍ଦ୍ରାଙ୍କୁ ଗତ ଜୁଲାଇ ୧୯ରେ ମୁମ୍ବାଇ ପୋଲିସ ଗିରଫ କରିଥିଲା। ସେ ଅଶ୍ଳୀଳ ଭିଡିଓ ତିଆରି କରି ଆପ ମାଧ୍ୟମରେ ଷ୍ଟ୍ରିମିଂ କରୁଥିବା ଅଭିଯୋଗ ହୋଇଛି। ଜୁଲାଇ ୨୭ରେ, ରାଜ କୁନ୍ଦ୍ରାଙ୍କୁ କୋର୍ଟ ୧୪ଦିନ ପାଇଁ ନ୍ୟାୟିକ ହେପାଜତକୁ ପଠାଇଥିଲେ।
My statement. pic.twitter.com/AAHb2STNNh
— SHILPA SHETTY KUNDRA (@TheShilpaShetty) August 2, 2021
