କରୋନା ସଂକ୍ରମଣକୁ ରୋକିବା ପାଇଁ ସମଗ୍ର ଦେଶରେ ଲକ୍ଡାଉନ୍ ଜାରି କରାଯାଇଛି। ଏହି ସମୟରେ ସମସ୍ତଙ୍କୁ ଘରେ ରହିବା ପାଇଁ ସରକାରଙ୍କ ପକ୍ଷରୁ ନିବେଦନ କରାଯାଉଛି। ଏବେ ଲକ୍ଡାଉନ୍ ନିୟମରେ କିଛିଟା କୋହଳ କରିଛନ୍ତି। ତେବେ ସମସ୍ତେ ଏହି ମହାମାରୀ ଏବଂ ଲକ୍ଡାଉନ୍ ଶେଷ ହେବାକୁ ଅପେକ୍ଷା କରିବସିଛନ୍ତି। ବଲିଉଡ୍ ଅଭିନେତ୍ରୀ ଶିଳ୍ପା ଶେଟ୍ଟୀ ଏବଂ ସ୍ବାମୀ ରାଜ୍ କୁନ୍ଦ୍ରା ଲକ୍ଡାଉନ୍ରେ ଘରେ ବଶି ବୃଦ୍ଧା ବୃଦ୍ଧ ହୋଇଗଲେଣି। ଏ ନେଇ ରାଜ୍ ସୋସିଆଲ ମିଡିଆରେ ଏକ ମଜାଳିଆ ଫଟୋ ଶେୟାର କରିଛନ୍ତି। ଏହି ଫଟୋରେ ଉଭୟଙ୍କ କେଶ ପାଚିଯାଇଥିବା ବେଳେ ସେମାନେ ବୟସ୍କ ଦେଖାଯାଉଛନ୍ତି। ଫଟୋ ଶେୟାରକରି ରାଜ ଲେଖିଛନ୍ତି, ଶିଳ୍ପାଙ୍କ ସହ ଲକ୍ଡାଉନ୍ ଶେଷ ହେବା ନେଇ ମୁଁ ଅପେକ୍ଷା କରିଛି। ଆହୁରି ମଧ୍ୟ ସେ ଲେଖିଛନ୍ତି, ବେବି ଲକ୍ଡାଉନ୍ କେବେ ଶେଷ ହେବ।
