ମୁମ୍ବାଇ: ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀ କୁନ୍ଦ୍ରାଙ୍କୁ ମଙ୍ଗଳବାର ମହାରାଷ୍ଟ୍ରରେ ଚାମ୍ପିଅନ୍ସ ଅଫ୍ ଚେଞ୍ଜ ପୁରସ୍କାରରେ ସମ୍ମାନିତ କରାଯାଇଛି। ଅତ୍ୟନ୍ତ ଖୁସି ଥିବା ଶିଳ୍ପା ଇନଷ୍ଟାଗ୍ରାମରେ ତାଙ୍କ ପ୍ରଶଂସକଙ୍କ ସହ ଏହି ଖୁସି ଖବର ବାଣ୍ଟିଛନ୍ତି ଏବଂ ତାଙ୍କ ପୁରସ୍କାର ସହିତ କିଛଇ ଫଟୋ ମଧ୍ୟ ପୋଷ୍ଟ କରିଛନ୍ତି। ମହାରାଷ୍ଟ୍ରର ଜଷ୍ଟିସ କେ.ଜି ବାଲାକ୍ରିଷ୍ଣନ ଏବଂ ଜଷ୍ଟିସ ଜ୍ଞାନ ସୁଧା ମିଶ୍ରାଙ୍କଠାରୁ ଶିଳ୍ପାଙ୍କୁ ଏହି ସ୍ବତନ୍ତ୍ର ପୁରସ୍କାର ମିଳିଛି।
ଶିଳ୍ପା ନିଜ ଗର୍ବର ମୁହୂର୍ତ୍ତର ଫଟୋ ଇନଷ୍ଟାଗ୍ରାମରେ ଶେୟାର କରିଛନ୍ତି। ଫଟୋରେ ଅଭିନେତ୍ରୀ ଶାଢି ପିନ୍ଧିଥିବାର ନଜର ଆସିଛନ୍ତି ଏବଂ ତାଙ୍କୁ ପୁରସ୍କାର ପ୍ରଦାନ କରୁଥିବା ଦେଖିବାକୁ ମିଳିଛି। ସେ କ୍ୟାପଶନରେ ଲେଖିଛନ୍ତି,ମହାରାଷ୍ଟ୍ରରେ ମାନ୍ୟବର ଜଷ୍ଟିସ କେ.ଜି ବାଲକ୍ରିଷ୍ଣନ ଏବଂ ମାନ୍ୟବର ଜଷ୍ଟିସ ଜ୍ଞାନ ସୁଧା ମିଶ୍ରା ଜିଙ୍କ ଠାରୁ ଚାମ୍ପିଅନ୍ସ ଅଫ୍ ଚେଞ୍ଜ ୨୦୨୩ ପୁରସ୍କାର ପାଇ ମୁଁ ଅତ୍ୟଧିକ କୃତଜ୍ଞ ଏବଂ ଗୌରବାନ୍ବିତ।