ବଲିଉଡର କିମ୍ବଦନ୍ତୀ କୋରିଓଗ୍ରାଫର ସରୋଜ ଖାନଙ୍କ ପରଲୋକ ଘଟିଛି। ବଲିଉଡ୍ରେ ‘ମାଷ୍ଟରଜୀ’ ଭାବେ ପରିଚିତ ସରୋଜଙ୍କ ମୃତ୍ୟୁ ପରେ ଇଣ୍ଡଷ୍ଟ୍ରୀର ଅନେକ କଳାକାର ତାଙ୍କୁ ଶେଷ ବିଦାୟ ଦେଇଛନ୍ତି। ଅଭିନେତ୍ରୀ ଶିଳ୍ପା ସେଟ୍ଟୀ ମଧ୍ୟ ଏଥିରେ ସାମିଲ ହୋଇଛନ୍ତି। ଶିଳ୍ପା ନିଜ ଇନ୍ଷ୍ଟାଗ୍ରାମରେ ସରୋଜଙ୍କ ସହ ଏକ ପୁରୁଣା ଫଟୋ ଶେୟାର କରି କହିଛନ୍ତି, ଆଉ ଜଣେ କିମ୍ବଦନ୍ତୀ ଆମକୁ ଛାଡ଼ିଗଲେ। କିତାବେଁ(ବାଜିଗର୍) କୋରିଓଗ୍ରାଫି ସମୟରେ ତାଙ୍କୁ ପ୍ରଥମେ ଭେଟିଥିଲି। ସେହି ମୁହୂର୍ତ୍ତକୁ କେବେ ଭୁଲି ପାରିବି ନାହିଁ। ପ୍ରଥମେ ତାଙ୍କୁ ଦେଖି କାନ୍ଦି ପକାଇଥିଲି। ମୁଁ ବିଶ୍ୱାସ କରି ନ ଥିଲି ଯେ ସେ ପ୍ରକୃତରେ ମୋ ସାମ୍ନାରେ ଠିଆ ହୋଇଛନ୍ତି। ଗୋଟିଏ ପରେ ହିଟ୍ ଗୀତ ତାଙ୍କ ସହ କରିଥିଲି ବୋଲି ଶିଳ୍ପା କହିଛନ୍ତି।