ଔରଙ୍ଗାବାଦ-ଓସମାନାବାଦ ନାମ ପରିବର୍ତ୍ତନ ପାଇଁ ବିଜ୍ଞପ୍ତି ଜାରି କଲେ ଶିନ୍ଦେ…

ମୁମ୍ବାଇ,୧୬।୯ : ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ନେତୃତ୍ୱରେ ମହାରାଷ୍ଟ୍ର ସରକାର ଯଥାକ୍ରମେ ଔରଙ୍ଗାବାଦ ଏବଂ ଓସମାନାବାଦ ଜିଲାର ନାମକୁ ଛତ୍ରପତି ସମ୍ଭାଜୀନଗର ଏବଂ ଧରାଶିବରେ ପରିବର୍ତ୍ତନ ସମ୍ପର୍କରେ ବିଜ୍ଞପ୍ତି ଜାରି କରିଛନ୍ତି। ଶୁକ୍ରବାର ରାତିରେ ରାଜସ୍ବ ବିଭାଗ ପକ୍ଷରୁ ଜାରି ବିଜ୍ଞପ୍ତିରେ କୁହାଯାଇଛି, କିଛି ମାସ ପୂର୍ବରୁ ଚାହିଁଥିବା ପରାମର୍ଶ ଏବଂ ଆପତ୍ତି ଉପରେ ବିଚାର କରାଯାଇଛି ଏବଂ ଉପ-ବିଭାଗ, ଗ୍ରାମ, ତାଲୁକା ଏବଂ ଜିଲା ସ୍ତରରେ ନାମ ପରିବର୍ତ୍ତନ କରିବାର ନିଷ୍ପତ୍ତି ନିଆଯାଇଛି।

ଔରଙ୍ଗାବାଦ ଏବଂ ଓସମାନାବାଦର ନାମ ପରିବର୍ତ୍ତନ କରିବାର ନିଷ୍ପତ୍ତି ପୂର୍ବ ମହାଭିକାଶ ଅଘାଡି (ଏମଭିଏ) ସରକାରଙ୍କ ଶେଷ କ୍ୟାବିନେଟ ବୈଠକରେ ନିଆଯାଇତତ୍ଲା। ୨୯ ଜୁନ ୨୦୨୨ ରେ ଇସ୍ତଫା ଦେବା ପୂର୍ବରୁ ତତ୍କାଳୀନ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହୋଇଥିଲା। ତେବେ ଗୋଟିଏ ଦିନ ପରେ ଶପଥ ଗ୍ରହଣ କରିଥିବା ମୁଖ୍ୟମନ୍ତ୍ରୀ ଶିନ୍ଦେ ଏବଂ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ କହିଛନ୍ତି ଏହି ଜିଲାଗୁଡ଼ିକର ନାମ ପରିବର୍ତ୍ତନ କରିବାକୁ ଠାକରେ ସରକାରଙ୍କ ନିଷ୍ପତ୍ତି ବେଆଇନ କାରଣ ରାଜ୍ୟପାଳ ସେମାନଙ୍କୁ ରାଜ୍ୟସଭାରେ ସଂଖ୍ୟାଗରିଷ୍ଠତା ପ୍ରମାଣ କରିବାକୁ କହିଥିଲେ। ଯାହା ପରେ ସେ ଏହି ନିଷ୍ପତ୍ତି ନେଇଥିଲେ।

ଗତ ବର୍ଷ ଜୁଲାଇରେ ଶିନ୍ଦେ ନେତୃତ୍ୱାଧୀନ ମନ୍ତ୍ରିମଣ୍ଡଳ ଯଥାକ୍ରମେ ଔରଙ୍ଗାବାଦ ଏବଂ ଓସମାନାବାଦର ନାମ ଛତ୍ରପତି ସମ୍ଭାଜୀନଗର ଏବଂ ଧରାଶିବରେ ପରିବର୍ତ୍ତନ କରିବାକୁ ପ୍ରସ୍ତାବକୁ ଅନୁମୋଦନ କରିଥିଲା। ଏମଭିଏ ସରକାରଙ୍କ ଶେଷ କ୍ୟାବିନେଟ ବୈଠକରେ ଔରଙ୍ଗାବାଦର ନାମ ସମ୍ଭାଜୀନଗରରେ ପରିବର୍ତ୍ତନ କରାଯାଇଥିଲା, କିନ୍ତୁ ଶିନ୍ଦେ ସରକାର ଏହା ପୂର୍ବରୁ ‘ଛତ୍ରପତି’ ମଧ୍ୟ ଯୋଡିଥିଲେ।