ଢେଙ୍କାନାଳ ଅଫିସ,୧୭।୪: ଢେଙ୍କାନାଳ ଇ-ଟେକ୍ ଯୁକ୍ତ ୩ ମହାବିଦ୍ୟାଳୟରେ ମେଧାବୀ ଛାତ୍ରୀଛାତ୍ରମାନେ ଶିକ୍ଷାନୁଷ୍ଠାନର ଗୌରବ ବଢ଼ାଇଛନ୍ତି। ଉତ୍କଳ ବିଶ୍ୱବିଦ୍ୟାଳୟ ଅଧୀନରେ ପରୀକ୍ଷା ଦେଇଥିବା ପ୍ରଥମ ବ୍ୟାଚର ଉଦ୍ଭିଦ ବିଜ୍ଞାନ (ସମ୍ମାନ) ଛାତ୍ରୀ ରୋଜାଲିନ ୍ ବେହେରା ବିଶ୍ୱବିଦ୍ୟାଳୟସ୍ତରରେ ୭ମ ସ୍ଥାନ ଏବଂ ରସାୟନ ବିଜ୍ଞାନ (ସମ୍ମାନ) ଛାତ୍ରୀ ମଳୟ ମଞ୍ଜରୀ ବେହେରା ୯ମ ସ୍ଥାନ ହାସଲ କରିଛନ୍ତି। ସେହିପରି ପଦାର୍ଥ ବିଜ୍ଞାନ ସ୍ନାତକ ଶିକ୍ଷା ସମାପନ କରିଥିବା ସୁଶୀଲ ପଣ୍ଡା, ଦିବ୍ୟରଞ୍ଜନ ପୃଷ୍ଟି ଯଥାକ୍ରମେ ଭାରତୀୟ ନୌସେନା ଓ ବାୟୁସେନାରେ ସାମିଲ ହୋଇଛନ୍ତି। ଗଣିତ ବିଭାଗ ସମ୍ମାନ ଡିଗ୍ରୀରେ ସଫଳତାର ସହ ଉତ୍ତୀର୍ଣ୍ଣ ହୋଇଥିବା ଆର. କୌଶିକ ୟଶସ୍ବୀ ଓ୍ବିପ୍ରୋ ଏବଂ ସନ୍ଦୀପ ଶତପଥୀ ଆସେଟ୍ୟୁର ବାଙ୍ଗାଲୋର ଦ୍ୱାରା ମନୋନୀତ ହୋଇଛନ୍ତି। ସେହିପରି ରସାୟନ ବିଭାଗ ସମ୍ମାନ ବିଭାଗର ବିଭୁ ପ୍ରସାଦ ବେହେରା, ସୁଶ୍ରୀ ଶୁଭଲକ୍ଷ୍ମୀ ସାହୁ ଆଇଆଇଟି ପ୍ରବେଶିକା ପରୀକ୍ଷା ଜେଏଏମ୍ରେ ଉତ୍ତୀନ୍ନ ହୋଇ ଉଚ୍ଚତର ଶିକ୍ଷା ପାଇଁ ଚୟନ ହୋଇଥିବା ଶିକ୍ଷାନୁଷ୍ଠାନ ପକ୍ଷରୁ ସୂଚନା ଦିଆଯାଇଛି।