ନୂଆଦିଲ୍ଲୀ,୧୯।୪: ବରିଷ୍ଠ ଏନସିପି ନେତା ଅଜିତ ପାୱାର ଭାଜପାରେ ସାମିଲ ହେବାର କଳ୍ପନାଜଳ୍ପନା ମଧ୍ୟରେ ମହାରାଷ୍ଟ୍ରରେ ରାଜନୈତିକ ଉତ୍ତେଜନା ତୀବ୍ର ହୋଇଛି। ବର୍ତ୍ତମାନ ଏହି ପ୍ରସଙ୍ଗରେ ଶିବସେନା (ଏକନାଥ ଶିନ୍ଦେ ଦଳ)ର ଏକ ବଡ ବିବୃତ୍ତି ମଧ୍ୟ ସାମ୍ନାକୁ ଆସିଛି। ଶିବସେନା ମୁଖପାତ୍ର ସଞ୍ଜୟ ଶିରସାଟ କହିଛନ୍ତି, ଯଦି ଅଜିତ ପାୱାର ଏନସିପି ନେତାଙ୍କ ସହ ଭାଜପାରେ ସାମିଲ ହୁଅନ୍ତି, ତେବେ ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ମହାରାଷ୍ଟ୍ର ସରକାରର ଅଂଶ ରହିବେ ନାହିଁ।
ସଞ୍ଜୟ ଶିରସାଟ କହିଛନ୍ତି, ଏନସିପି ସିଧାସଳଖ ଭାଜପା ସହ ହାତ ମିଳାଇ ପାରିବନାହିଁ। ମହାରାଷ୍ଟ୍ରରେ ଏକନାଥ ଶିନ୍ଦେଙ୍କ ନେତୃତ୍ୱରେ ଶିବସେନା ଏବଂ ଭାଜପାର ଏକ ମିଳିତ ସରକାର ଅଛି। ଆମର ରଣନୀତି ସ୍ପଷ୍ଟ ବୋଲି ଶିରସାଟ କହିଛନ୍ତି। ଏନସିପି ହେଉଛି ସେହି ଦଳ ଯାହା ପ୍ରତାରଣା କରେ। ଆମେ ସେମାନଙ୍କ ସହିତ ଏକାଠି ଶାସନ କରିବୁ ନାହିଁ। ଯଦି ଭାଜପା ଏନସିପି ସହିତ ଯାଏ ତେବେ ମହାରାଷ୍ଟ୍ରରେ ଏହାକ ସ୍ବୀକୃତି ଦିଆଯିବନାହିଁ। ଆମେ ବାହାରକୁ ଯିବାକୁ ସ୍ଥିର କଲୁ (ଉଦ୍ଧବ ଠାକରେଙ୍କ ନେତୃତ୍ୱାଧୀନ ଶିବସେନାଠାରୁ) କାରଣ ଲୋକମାନେ ଆମକୁ କଂଗ୍ରେସ ଏବଂ ଏନସିପି ସହିତ ରହିବାକୁ ପସନ୍ଦ କରନ୍ତି ନାହିଁ।
