ନୂଆଦିଲ୍ଲୀ,୧୭।୭: ଭାରତୀୟ ଟିମ୍ର ଅଲରାଉଣ୍ଡର ଶିବମ ଦୁବେ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ସେ ପ୍ରେମିକା ଅଞ୍ଜୁମ ଖାନ୍ଙ୍କ ହାତ ଧରିଛନ୍ତି। ଉଭୟ ଦୀର୍ଘଦିନ ଧରି ଡେଟ୍ କରୁଥିଲେ। ଏବେ ବିବାହ ନେଇ ସେ ସୋସିଆଲ ମିଡିଆରେ ପ୍ରଶଂସକଙ୍କୁ ଜଣାଇଛନ୍ତି। ଏହା ପରେ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟୁଛି।
ଶିବମ ନିଜ ଆଧିକାରିକ ଟୁଇଟର ହ୍ୟାଣ୍ଡେଲର ବିବାହର କିଛି ଫଟୋ ଶେୟାର କରି ଲେଖିଛନ୍ତି, ଆମେ ଏକ ପ୍ରେମକୁ ପ୍ରେମ କରିଥିଲୁ, ଏହା ପ୍ରେମଠାରୁ ଅଧିକ ଥିଲା, ଏଠାରୁ ହିଁ ଆମେ ସବୁବେଳର ଯାତ୍ରା ଆରମ୍ଭ ହୋଇଥିଲା। ଆମେ ୧୬-୦୭-୨୦୨୧ରେ ବିବାହ ବନ୍ଧନରେ ଆବଦ୍ଧ ହୋଇଛୁ।
ପ୍ରକାଶ ଯେ, ଶିବମ ୨୦୧୯ରେ ବାଂଲାଦେଶ ବିପକ୍ଷରେ ନିଜର ଡେବ୍ୟୁ କରିଥିଲେ। ଏହା ଏକ ଟି୨୦ ମ୍ୟାଚ୍ ଥିଲା। ସେ ଆଜିଯାଏ ନିଜର ଟି୨୦ ଅନ୍ତର୍ଜାତୀୟ କ୍ୟାରିୟରରେ ୧୩ ମ୍ୟାଚ୍ ଖେଳିଛନ୍ତି। ଏଥିରେ ସେ ୧୭.୫୦ ଅନୁପାତରେ ୧୦୫ରନ୍ କରିଛନ୍ତି। ଏହାଛଡ଼ା ବୋଲିଂରେ ୧୦.୦୪ ଅନୁପାତରେ ୫ ଉଇକେଟ ନେଇଛନ୍ତିି। ୨୦୧୯ରେ ସେ ଦିନିକିଆରେ ଡେବ୍ୟୁ କରିଥିଲେ। ହେଲେ ସେ ଏଯାବତ ଗୋଟିଏ ମ୍ୟାଚ୍ ଖେଳିପାରିଛନ୍ତି। ଏହି ମୁକାବିଲାରେ ସେ ୯ରନ୍ କରିଥିବା ବେଳେ କୌଣସି ଉଇକେଟ ନେଇ ନ ଥିଲେ।