ନୂଆଦିଲ୍ଲୀ,୨୪।୩: ଚନ୍ଦ୍ରର ସାଉଥ ପୋଲରେ ଅବତରଣ କରିବାରେ ଭାରତ ବିଶ୍ୱର ପ୍ରଥମ ଦେଶ ହୋଇଛି। ଚନ୍ଦ୍ରୟାନ -୩ ର ସଫଳ ଅବତରଣ ବିଶ୍ୱର ସମସ୍ତ ଦେଶର ସ୍ପେସ ଏଜେନ୍ସିଗୁଡ଼ିକୁ ଆଶ୍ଚର୍ଯ୍ୟ କରିଥିଲା। ଏହି ସଫଳତା ପରେ, ୨୬ ଅଗଷ୍ଟ ୨୦୨୩ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚନ୍ଦ୍ରୟାନ -୩ ର ଅବତରଣ ସ୍ଥାନକୁ ‘ଶିବ ଶକ୍ତି ପଏଣ୍ଟ’ ବୋଲି କହିଥିଲେ। ଏହି ସମୟରେ, ମାର୍ଚ୍ଚ ୧୯ରେ ଆନ୍ତର୍ଜାତୀୟ ଜ୍ୟୋର୍ତିବିଜ୍ଞାନ ସଂଘ (ଆଇଏୟୁ) ଏହି ନାମକୁ ଅନୁମୋଦନ କରିଛି। ଏହି ସଫଳତାର ତିନି ଦିନ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଇସ୍ରୋ ଟେଲିମେଟ୍ରି ଟ୍ରାକିଂ ଆଣ୍ଡ କମାଣ୍ଡ ନେଟଓ୍ବର୍କରେ ବୈଜ୍ଞାନିକଙ୍କ ସହ ସାକ୍ଷାତ୍ କରିଥିଲେ।
ଚନ୍ଦ୍ରାୟଣ -୩ ୧୪ ଜୁଲାଇ ୨୦୨୩ରେ ଲଞ୍ଚ କରାଯାଇଥିଲା। ଏହା ଆନ୍ଧ୍ରପ୍ରଦେଶର ଶ୍ରୀହରିକୋଟାସ୍ଥିତ ସତୀଶ ଧୱନ ମହାକାଶ କେନ୍ଦ୍ରରୁ ଏକ LVM3-M4 ରକେଟରେ ଉତକ୍ଷେପଣ କରାଯାଇଥିଲା। ବିକ୍ରମ ଲ୍ୟାଣ୍ଡର ଅଗଷ୍ଟ ୨୩ ରେ ସା ୫ଟା ୪ ରେ ଚନ୍ଦ୍ର ପୃଷ୍ଠରେ ପାଦ ଦେଇଥିଲା। ଏହାର ମୋଟ ମୂଲ୍ୟ ୬୧୫ କୋଟି ଟଙ୍କା ଥିଲା। ଏହା ପୂର୍ବରୁ ଇସ୍ରୋ ଚନ୍ଦ୍ରରେ ଅବତରଣ କରିବାକୁ ଚେଷ୍ଟା କରିସାରିଛି। ଏଥିପାଇଁ ସେ ଚନ୍ଦ୍ରଯାନ- ୧ ଏବଂ ଚନ୍ଦ୍ରୟାନ- ୨କୁ ଚନ୍ଦ୍ର ଆଡକୁ ପଠାଇଲେ। ଚାରି ବର୍ଷ ପୂର୍ବେ, ଇସ୍ରୋ ଚନ୍ଦ୍ରୟାନ-୨କୁ ଚନ୍ଦ୍ର ପୃଷ୍ଠରେ ଅବତରଣ କରିବାକୁ ଚେଷ୍ଟା କରିଥିଲା, କିନ୍ତୁ ଅବତରଣ କରିବାର କିଛି ସମୟ ପୂର୍ବରୁ ଏହା ବେଙ୍ଗାଲୁରୁର ଇସ୍ରୋ ନିୟନ୍ତ୍ରଣ କେନ୍ଦ୍ର ସହିତ ସମ୍ପର୍କ ହରାଇଲା।