ଲକ୍ଷ୍ନୌ,୧୮।୧୦: ନକଲି ଜନ୍ମ ପ୍ରମାଣପତ୍ର ମାମଲାରେ ରାମପୁରର ଏମ୍ପି-ବିଧାୟକ କୋର୍ଟ ସମାଜବାଦୀ ପାର୍ଟିର ବରିଷ୍ଠ ନେତା ଆଜମ ଖାନ, ସ୍ତ୍ରୀ ତାଞ୍ଜିମ ଫାତିମା ଏବଂ ପୁଅ ଅବଦୁଲ୍ଲା ଆଜାମଙ୍କୁ ସାତ ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି। କୋର୍ଟଙ୍କ ଏହି ନିଷ୍ପତ୍ତି ସମାଜବାଦୀ ପାର୍ଟି ପାଇଁ ବଡ଼ ଝଟ୍କା। ଆଜମ ଏସପିର ଜଣେ ଶକ୍ତିଶାଳୀ ନେତା। ଅଖିଳେଶ ଯାଦବଙ୍କ ପରେ ଏବେ ଦାଦା ଶିବପାଲ ସିଂ ଯାଦବଙ୍କ ମଧ୍ୟ ଆଜମଙ୍କ ଦଣ୍ଡାଦେଶକୁ ନେଇ କ୍ଷୋଭ ପ୍ରକାଶ କରିଛନ୍ତି।
ଏସପି ନେତା ଶିବପାଲ ସିଂ ଯାଦବ କବିତା ମାଧ୍ୟମରେ ନିଜର ଯନ୍ତ୍ରଣା ପ୍ରକାଶ କରିଥିଲେ। ସେ ସୋସିଆଲ ମିଡିଆ ସାଇଟରେ ଏକ ପୋଷ୍ଟ ଲେଖିଥିଲେ। ଯେ ଲେଖିଥିବା କବିତାର ଅର୍ଥ ହେଉଛି, ଯଦି ସୂର୍ଯ୍ୟ ଅସ୍ତ ହୁଅନ୍ତି, ତେବେ ଅସୁବିଧା କଣ ହେବ, ସୂର୍ଯ୍ୟ ନିଶ୍ଚିତ ଭାବରେ ସକାଳେ ଆସିବେ। ଏକମାତ୍ର ସର୍ତ୍ତ ହେଉଛି ଆପଣ କିଛି ସମୟ ଅପେକ୍ଷା କରନ୍ତୁ।
କୋର୍ଟଙ୍କ ନିଷ୍ପତ୍ତି ଘୋଷଣା ହେବା ପରେ ଏସ୍ପି ମୁଖ୍ୟ ଅଖିଳେଶ ଯାଦବ କହିଥିଲେ ଯେ, ଆଜାମ ଖାନଙ୍କୁ ମୁସଲମାନ ହେତୁ ଦଣ୍ଡିତ କରାଯାଇଛି। ତାଙ୍କ ବିରୋଧରେ ଷଡଯନ୍ତ୍ର ରଚାଯାଇଛି।
ପୂର୍ବତନ ବିଧାୟକ ଅବଦୁଲ୍ଲା ଆଜମଙ୍କ ବିରୋଧରେ ଦୁଇଟି ଜନ୍ମ ପ୍ରମାଣପତ୍ର ମାମଲା ୨୦୧୯ ର ଅଟେ। ଭାଜପା ବିଧାୟକ ଆକାଶ ସକ୍ସେନା ଗଞ୍ଜ ପୋଲିସ ଷ୍ଟେଶନରେ ମାମଲା ଦାୟର କରିଥିଲେ। ଏହି ମାମଲାରେ ଆଜମ ଖାନ ଏବଂ ସ୍ତ୍ରୀ ତାଞ୍ଜିମ ଫାତିମାଙ୍କୁ ମଧ୍ୟ ଅଭିଯୁକ୍ତ କରାଯାଇଥିଲା। ତଦନ୍ତ ପରେ ପୋଲିସ ଚାର୍ଜସିଟ ଦାଖଲ କରିଥିଲା। ବୁଧବାର ଏହି ମାମଲାର ଶୁଣାଣି ବେଳେ କୋର୍ଟ ଏହାର ରାୟ ଦେଇଛନ୍ତି।