ଲକ୍ଷ୍ନୌ, ୧୬।୭ : ସମାଜବାଦୀ ପାର୍ଟିର ବିଧାୟକ ଶିବପାଲ ସିଂ ଯାଦବ ଦଳର ରାଷ୍ଟ୍ରୀୟ ଅଧ୍ୟକ୍ଷ ଅଖିଳେଶ ଯାଦବଙ୍କୁ ଏକ ଚିଠି ଲେଖି ରାଜନୈତିକ ଉଷ୍ଣତା ବୃଦ୍ଧି କରିଛନ୍ତି। ସେ ଲେଖିଛନ୍ତି ଯେ ଯିଏ ଏସପି ସଂରକ୍ଷକ ମୁଲାୟମ ସିଂ ଯାଦବଙ୍କ ବିଷୟରେ ଅନୁପଯୁକ୍ତ କଥା କହିଛନ୍ତି ଏବଂ ତାଙ୍କୁ ଆଇଏସଆଇର ଏଜେଣ୍ଟ ବୋଲି ମଧ୍ୟ କହିଛନ୍ତି, ତାଙ୍କୁ ରାଷ୍ଟ୍ରପତି ନିର୍ବାଚନରେ ସମର୍ଥନ କରିବା ନିଷ୍ପତ୍ତିର ପୁନର୍ବିଚାର କରିବା ଉଚିତ୍।
ଶିବପାଲ ଏହା ମଧ୍ୟ କହିଛନ୍ତି ଯେ ସମାଜବାଦୀ ପାର୍ଟି ମୁଲାୟମ ସିଂ ଯାଦବଙ୍କ ବିରୋଧରେ କୌଣସି ଶବ୍ଦ ଶୁଣିବାକୁ ପ୍ରସ୍ତୁତ ନଥିଲା ମାତ୍ର ଅତ୍ୟନ୍ତ ଦୁଃଖଦାୟକ ଘଟଣା ତାଙ୍କ ବିରୋଧରେ ବିବୃତ୍ତି ଦେଇଥିବା ବ୍ୟକ୍ତିଙ୍କୁ ରାଷ୍ଟ୍ରପତି ନିର୍ବାଚନ ପାଇଁ ପ୍ରାର୍ଥୀ କରାଯାଉଛି। ଶିବପାଲ ସିଂ ଯାଦବ ଏହା ମଧ୍ୟ କହିଛନ୍ତି ଯେ ସେ ତାଙ୍କର ସୀମା ଜାଣିଛନ୍ତି। ତଥାପି ପୁନର୍ବିଚାର ପାଇଁ ଦାବି କରୁଛନ୍ତି।
ଶିବପାଲ ଯାଦବ ଏହା ଉପରେ ଟୁଇଟ କରି କହିଛନ୍ତି ଯେ ଏସପି ନେତୃତ୍ୱଙ୍କର ଏହି ନିଷ୍ପତ୍ତି ଉପରେ ମୋର ଦୃଢ଼ ମତଭେଦ ରହିଛି। ମୁଲାୟମଙ୍କୁ ଅପମାନିତ କରିବା ସର୍ତ୍ତରେ କୌଣସି ନିଷ୍ପତ୍ତି ଗ୍ରହଣୀୟ ନୁହେଁ। ଶିବପାଲ ତାଙ୍କ ଟୁଇଟରେ ଯଶୱନ୍ତ ସିହ୍ନାଙ୍କ ମନ୍ତବ୍ୟର ଏକ ଖବର କାଗଜର ଚିତ୍ର ଶେୟାର କରିଛନ୍ତି। ଏଥିରେ ଏସପି ପୃଷ୍ଠପୋଷକ ମୁଲାୟମଙ୍କୁ ଆଇଏସଆଇ ଏଜେଣ୍ଟ ଭାବରେ ଯଶଓ୍ବନ୍ତ ଉଲ୍ଲେଖ କରିଛନ୍ତି।
