ଭଦୋଦରା,୧୪।୬: ଗୁଜରାଟରେ ଭାଜପା ଶାସିତ ଭଦୋଦରା ମ୍ୟୁନିସିପାଲ କର୍ପୋରେସନ (ଭିଏମସି) ପୂର୍ବତନ ଭାରତୀୟ କ୍ରିକେଟର ତଥା ଟିଏମସି ଏମପି ୟୁସୁଫ ପଠାନଙ୍କ ସମସ୍ୟାକୁ ବଢାଇ ଦେଇଛି। ମ୍ୟୁନିସିପାଲିଟି କର୍ପୋରେସନ ନିଜର ବୋଲି ଦାବି କରୁଥିବା ଏକ ଜମିରେ ଅଧିଗ୍ରହଣ ଅଭିଯୋଗରେ ୟୁସୁଫଙ୍କୁ ଏକ ନୋଟିସ ପଠାଯାଇଛି।
ଜୁନ ୬ରେ ପଠାନଙ୍କୁ ଏହି ନୋଟିସ ପଠାଯାଇଥିଲା, କିନ୍ତୁ ପୂର୍ବତନ ଭାଜପା କାଉନସିଲର ବିଜୟ ପାୱାର ଏହି ପ୍ରସଙ୍ଗ ଉଠାଇବା ପରେ ଗୁରୁବାର ଭିଏମସି ଷ୍ଟାଣ୍ଡିଂ କମିଟିର ଅଧ୍ୟକ୍ଷ ଶିତଲ ମିସ୍ତ୍ରୀ ଗଣମାଧ୍ୟମକୁ ସୂଚନା ଦେଇଛନ୍ତି। ସୂଚନାଯୋଗ୍ୟ, ପୂର୍ବତନ ଅଲରାଉଣ୍ଡର ପଠାନ ଟିଏମସି ଟିକେଟରେ ବାହାମପୁର ନିର୍ବାଚନମଣ୍ଡଳୀରୁ ଲୋକ ସଭା ନିର୍ବାଚନରେ ଜିତିଛନ୍ତି।
ବିଜୟ ପାୱାର ଅଭିଯୋଗ କରିଛନ୍ତି ଯେ ରାଜ୍ୟ ସରକାର ୨୦୧୨ ରେ ପଠାନକୁ ଜମି ବିକ୍ରୟ ପାଇଁ ଭିଏମସିର ପ୍ରସ୍ତାବକୁ ପ୍ରତ୍ୟାଖ୍ୟାନ କରିଛନ୍ତି, କିନ୍ତୁ ନବ ନିର୍ବାଚିତ ଏମପି ଏକ କମ୍ପାଉଣ୍ଡ କାନ୍ଥ ନିର୍ମାଣ କରି ଜମି ଉପରେ ଅଧିକାର ଜାହିର କରିଥିଲେ।
ପୱାର ଗଣମାଧ୍ୟମକୁ କହିଛନ୍ତି,
ୟୁସୁଫ ପଠାନଙ୍କ ବିରୋଧରେ ମୋର କକୌଣସି ଅଭିଯୋଗ ନାହିଁ। ଟିପି ୨୨ଅଧୀନରେ ଥିବା ତାଣ୍ଡାଲଜା ଅଞ୍ଚଳରେ ଗୋଟିଏ ଜମି ହେଉଛି ଭିଏମସି ମାଲିକାନା । ୨୦୧୨ରେ, ପଠାନ ଏହି ଜମିକୁ ଭିଏମସିରୁ ଦାବି କରିଥିଲେ କାରଣ ସେହି ସମୟରେ ନିର୍ମାଣାଧୀନ ତାଙ୍କ ଘର ଏହି ଜମି ସହିତ ଲାଗିଥିଲା। ସେ ବର୍ଗ ମିଟର ପିଛା ପ୍ରାୟ ୫୭,୦୦୦ ଟଙ୍କା ପ୍ରଦାନ କରିଥିଲେ। ସେତେବେଳେ ଭିଏମସି ଏହି ପ୍ରସ୍ତାବକୁ ଅନୁମୋଦନ କରିଥିଲା ଏବଂ ଏହାକୁ ସାଧାରଣ ବୋର୍ଡ ବୈଠକରେ ପାରିତ କରାଯାଇଥିଲା। ତେବେ ଏଭଳି ପ୍ରସଙ୍ଗରେ ଚୂଡ଼ାନ୍ତ କର୍ତ୍ତୃପକ୍ଷ ଥିବା ରାଜ୍ୟ ସରକାର ଏହାକୁ ଅନୁମୋଦନ କରିନାହାଁନ୍ତି।