କୁକୁରମାନେ ବିଶ୍ୱାସୀ ହେବା ସହ ଚାଲାକ ମଧ୍ୟ। ସେଥିପାଇଁ ତ ମାଲିକଙ୍କ କଥା ସେ ବୁଝିବା ସହ ତାକୁ ଅକ୍ଷରେ ଅକ୍ଷରେ ପାଳନ କରିଥାନ୍ତି। ଏହି କ୍ରମରେ ଏକ କୁକୁର ମାଲିକଙ୍କ ପାଇଁ ବଜାରରୁ ପନିପରିବା କିଣି ଏବେ ଚର୍ଚ୍ଚାରେ ରହିଛି। ଆଶ୍ଚର୍ଯ୍ୟ ଲାଗିଲେ ବି କଥାଟି ସତ। ସୋସିଆଲ ମିଡିଆରେ ମଧ୍ୟ ଏହି ବୁଦ୍ଧିଆ କୁକୁରର ଭିଡିଓ ଭାଇରାଲ ହେଉଛି।
ଭିଡିଓରେ ଏକ କୁକୁର ଟଙ୍କା ନେଇ ବଜାର ଯାଉଥିବା ଦେଖାଯାଉଛି। ସେ ବେଶ ଚତୁରତାର ସହ ପନିପରିବା କିଣୁଛି। ମହିଳା ଦୋକାନୀଙ୍କୁ ସେ ଠାରରେ କେଉଁ ପରିବା ନେବ କହିଦେଉଛି। ଦୋକାନୀ ମଧ୍ୟ ତାହା ବୁଝି ସେ ଆଣିଥିବା ବାସ୍କେଟ୍ରେ ପରିବାକୁ ରଖୁଛନ୍ତି। ପରେ ଲାଲ ରଙ୍ଗର ଡବାରୁ ଟଙ୍କା ନେଇ ଦୋକାନୀ ତାଙ୍କୁ ଅବଶିଷ୍ଟ ଟଙ୍କାରୁ କମ୍ ଫେରାଉଛନ୍ତି। ମାଲିକ ଜାଣିଶୁଣି ଟଙ୍କା କମ୍ ଦେଲେ ସେ ତାହା ଜାଣିପାରି ବାକି ଟଙ୍କା ଫେରାଇବାକୁ କହୁଛି। ଶେଷରେ ପରିବା କିଣା ସାରି ଘରକୁ ଫେରୁଛି।
କୁକୁରର ଏହି ଭିଡିଓଟି ଭାଇରାଲ ହେଉଥିବା ବେଳେ ବ୍ୟବହାରକାରୀ ପ୍ରତିକ୍ରିୟା ଦେଉଛନ୍ତି। କୁକୁରଟିକୁ ବହୁତ ଭଲ ଭାବେ ତାଲିମ ଦିଆଯାଇଛି। ଏଥିଯୋଗୁ ସେ ଏଭଳି କାରନାମା କରିପାରୁଛି ବୋଲି କିଛି ଲୋକ କହୁଛନ୍ତି।
