ଛତିଶଗଡ଼ର ଯୁକ୍ତ ୨ରେ ପଢୁଥିବା ୩ ଛାତ୍ରୀ ପୁଣି ଥରେ ଏକ ଚମତ୍କାର କରି ଦେଖାଇଛନ୍ତି। ଯାହା ଜାଣିଲେ ଆଶ୍ଚର୍ଯ୍ୟ ହେବେ। ପିଥୋରାସ୍ଥିତ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ୩ ଛାତ୍ରୀ ଏଭଳି ଏକ ଉଚ୍ଚ ବୈଷୟିକ ଜୋତା ତିଆରି କରିଛନ୍ତି, ଯାହା ଆପଣଙ୍କ ଲୋକେସନ ଟ୍ରାକ୍ କରିବା ସହ ମୋବାଇଲ ଏବଂ ଲାପ୍ଟପ୍ ବି ଚାର୍ଜ କରିପାରିବ। ଏହି ଉଦ୍ଭାବନକୁ ସାଧାରଣରେ ବେଶ୍ ପ୍ରଶଂସା କରାଯାଉଛି।
ଭବିଷ୍ୟତରେ ଏହି ଛାତ୍ରୀମାନେ ବଡ଼ ବୈଜ୍ଞାନିକ ହୋଇପାରନ୍ତି ବୋଲି ଚର୍ଚ୍ଚା ହେଉଛି। ମେଘା ସିହ୍ନା, ଆଲିଫା ଭୋଇ ଏବଂ ପ୍ରୀତି ଚୌହାନ। ଏହି ତିଜିଜଣ ପିଥୋରୋ ସଂସ୍କାର ଶିକ୍ଷଣ ସଂସ୍ଥାନର ସହାୟତାରେ ଏହି ଜୋତା ପ୍ରସ୍ତୁତ କରିଛନ୍ତି। ସଂସ୍ଥାନର ଯୁବ ବୈଜ୍ଞାନିକ ଗୌରବ ଚନ୍ଦ୍ରକର କହିଛନ୍ତି, ଏହି ହାଇଟେକ୍ ଜୋଜା ପିନ୍ଧି ଚାଲିଲେ ମୋବାଇଲ ଏବଂ ଲାପ୍ଟପ୍ ଚାର୍ଜ ହୋଇପାରିବ। ଏହି ଜୋତାରେ ଏମିତି ସିଷ୍ଟମ ଲଗାଯାଇଛି, ଯାହା କୌଣସି ଅସୁବିଧା ସମୟରେ ହାଇ ଭୋଲଟେଜ୍ର ଝଟ୍କା ଦେବ। ଜୋତାରେ ଜିପିଆର୍ଏସ୍ ସିଷ୍ଟମ ବି ରହିଛି। କୌଣସି ବିପଦ ସମୟରେ ପୋଲିସ ଏବଂ ପରିବାର ସଦସ୍ୟଙ୍କ ପର୍ଯ୍ୟନ୍ତ ମେସେଜ ପହଞ୍ଚିପାରିବ।
ଏହି ଜୋତା ସେନା ଯବାନ ଏବଂ ମହିଳାଙ୍କ ସୁରକ୍ଷା ପାଇଁ ବହୁତ ସୁରକ୍ଷା ଦେବ। ଏହି ତିନି ଛାତ୍ରୀ ଏବେ ଏହି ହାଇଟେକ୍ ଜୋତା ବଜାରରେ କେବଳ ୧୫୦୦ ଟଙ୍କାରେ ଉପଲବ୍ଧ କରାଇବା ପାଇଁ ପ୍ରସ୍ତୁତି ଚଳାଇଛନ୍ତି।
ସୂଚନାଯୋଗ୍ୟ, ଏହି ଛାତ୍ରୀମାନେ କିଛି ମାସ ପୂର୍ବରୁ ଏକ ହାଇଟେକ୍ ଚଷମା ତିଆରି କରିଥିଲେ। ତାଙ୍କ କହିବା କଥା ଏହି ଚଷମା ଭାଇବ୍ରେଟ୍ କରିବ ଏବଂ ଗାଡ଼ିକୁ ଦୁର୍ଘଟଣାରୁ ବଞ୍ଚାଇ ପାରିବ।