କେନ୍ଦ୍ରାପଡା, ୩୦।୭ (ଜଗନ୍ନାଥ ଧଳ): କେନ୍ଦ୍ରାପଡ଼ା ଜିଲା ମାର୍ଶାଘାଇ ଥାନା ମଙ୍ଗଳା ଛକ ନିକଟ ଲୁଣା ବ୍ରିଜ୍ ଉପରେ ଜଣେ ଯୁବକଙ୍କୁ ଗୁଳିମାଡ଼ ହୋଇଛି ା ଅବସ୍ଥା ଗୁରୁତର ଥିବାରୁ ପ୍ରଥମେ ତାଙ୍କୁ ଜିଲା ମୁଖ୍ୟ ଚିକିତ୍ସାଳୟ ଓ ପରେ କଟକ ଏସ୍ସିବି ମେଡିକାଲକୁ ସ୍ଥାନାନ୍ତର କରାଯାଇଛି ା ଗୁରୁତର ଯୁବକ ହେଉଛନ୍ତି ଶକ୍ତିଚନ୍ଦନ ମହାନ୍ତି ା ଶକ୍ତିଚନ୍ଦନଙ୍କ ଘର ଜଗତସିଂହପୁର ଜିଲା ମହିରା ଗ୍ରାମରେ ହୋଇଥିବା ବେଳେ ସେ ଗୁଡୁ ଠିକାଦାରଙ୍କ ପାଖରେ କାମ କରୁଛନ୍ତି। ସେ ଶନିବାର ସନ୍ଧ୍ୟାରେ ଲୁଣାବ୍ରିଜ୍ ଦେଇ ମାର୍ଶାଘାଇ ବଜାରକୁ ଯାଉଥିଲେ ା ଏହି ସମୟରେ ଗୋଟିଏ ବୁଲେଟରେ ୨ ଜଣ ଯୁବକ ଆସି ତାଙ୍କୁ ଲକ୍ଷ୍ୟ କରି ଗୋଟିଏ ରାଉଣ୍ଡ ଗୁଳି ଚଳାଇଥିଲେ ା ସେହି ଗୁଳି ଶକ୍ତିଚନ୍ଦନଙ୍କ ପେଟରେ ବାଜିଛି ା ଘଟଣା ସମ୍ପର୍କରେ ଥାନାଧିକାରୀ ପ୍ରଜ୍ଞା ପାରମିତା ଜେନା ପ୍ରାଥମିକ ତଦନ୍ତ ଆରମ୍ଭ କରିଥିବା ସୂଚନା ଦେଇଛନ୍ତି ା ତେବେ କେଉଁ କାରଣରୁ ଏହି ଘଟଣା ଘଟିଛି ତାହା ସ୍ପଷ୍ଟ ହୋଇନାହିଁ ା
