ବୁଗୁଡ଼ା,୧୪।୭(ଡି.ଏନ୍.ଏ.): ଗଞ୍ଜାମ ଜିଲା ବୁଗଡ଼ା ଏନ୍ଏସି ପ୍ରଶାସନ ପକ୍ଷରୁ କରୋନା ସଂକ୍ରମଣକୁ ପ୍ରତିହତ କରିବା ପାଇଁ ଜାରି ହୋଇଛି ୮ ଦିନିଆ ଶଟଡାଉନ। ମଙ୍ଗଳବାର ଶଟଡାଉନ ଶେଷ ଦିନ। ଏ ନେଇ ରାସ୍ତାଘାଟ ଜନଶୂନ୍ୟ ହୋଇଥିବା ବେଳେ ଜୀବନଯାତ୍ରା ପ୍ରଭାବିତ ହୋଇଛି । କେବଳ ଔଷଧ ଦୋକାନକୁ ଛାଡି ଦେଲେ ଅନ୍ୟ ସମସ୍ତ ଦୋକାନ ପରିବା ମାର୍କେଟ ମଧ୍ୟ ବନ୍ଦ ରହିଛି । କିଛି ଅମାନିଆ ମାନଙ୍କୁ ଛାଡି ଦେଲେ ପ୍ରାୟତଃ ଯାନବାହନ ଚଳାଚଳ ବନ୍ଦ ଅଛି। ଅମାନିଆମଙ୍କୁ ଧର ପଗଡ଼ କରିବା ପାଇଁ ସହରର ଛକଗୁଡିକରେ ପୋଲିସ ପ୍ରଶାସନ ପକ୍ଷରୁ କଡ଼ା ବ୍ୟବସ୍ଥ୍ୟା ଗ୍ରହଣ କରାଯିବା ସହ ଜରିମାନା ଆଦାୟ ଏବଂ ସେମାନଙ୍କୁ ତାଗିଦ୍ ମଧ୍ୟ କରାଯାଉଛି । କରୋନା ମୁକାବିଲା ଲାଗି ତହସିଲଦାର ସଂଗ୍ରାମ କେଶରୀ ଜେନା, ବିଡିଓ ତନ୍ମୟ ପାତ୍ର,ଏନ୍ଏ୍ସି ନିର୍ବାହୀ ଅଧିକାରୀ ରଶ୍ମି ରଞ୍ଜନ ଦାସ ଙ୍କଉପସ୍ଥିତିରେ ସହରରେ ଶଟଡାଉନ ୮ ଦିନ ପାଇଁ ଘୋଷଣା କରାଯାଇଥିଲା।
