ଓ୍ବାଶିଂଟନ, ୨୦।୬ : ଆମେରିକାର ୱାଶିଂଟନ ଡିସିରେ ପୁଣି ଗୁଳକାଣ୍ଡ ଘଟିଛି। ରବିବାର ରାତିରେ ଏଠାରେ ପୋଲିସ ଅଧିକାରୀଙ୍କ ସମେତ ଅନେକ ଲୋକଙ୍କ ଉପରେ ଅଜଣା ବ୍ୟକ୍ତି ଗୁଳି ଚଳାଇଥିଲେ। କୁହାଯାଉଛି ଯେ ଏହି ଘଟଣା ଜୁନିଏଣ୍ଟ ମ୍ୟୁଜିକ କନସର୍ଟ ସମୟରେ ଘଟିଛି। ଆକ୍ରମଣକାରୀ କନସର୍ଟ ସ୍ଥାନରେ ଲୋକଙ୍କ ଉପରକୁ ଆଖିବୁଜା ଗୁଳି ଚଳାଇଥିଲେ।
ଏହାପରେ ପୋଲିସ ପକ୍ଷରୁ ସ୍ଥାନୀୟ ଅଞ୍ଚଳକୁ ସିଲ୍ କରାଯାଇଛି। ତଦନ୍ତ ଜାରି ରହିଛି। ଗୁଳିକାଣ୍ଡ ଘଟାଇଥିବା ବ୍ୟକ୍ତିଙ୍କ ସନ୍ଧାନରେ ସର୍ଚ୍ଚ ଅପରେଶନ୍ ଆରମ୍ଭ ହୋଇଥିବା ୱାଶିଂଟନ ପୋଲିସ ବିଭାଗ କହିଛି। ଆହତମାନଙ୍କୁ ଉଦ୍ଧାର କରାଯାଇ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଥିଲା।
