ମେକ୍ସିକୋ ସିଟି,୨୧ା୫: ଉତ୍ତର ମେକ୍ସିକୋର ବାଜା କାଲିଫର୍ନିଆରେ ଶନିବାର ଗୁଳିକାଣ୍ଡ ଘଟି ଅନୂ୍ୟନ ୧୦ ଜଣଙ୍କ ମୃତ୍ୟୁ ହେବା ସହ ଅନ୍ୟ ୯ ଜଣ ଆହତ ହୋଇଛନ୍ତି। ଏନ୍ସେନାଡା ସହରର ସାନ୍ ଭିସେଣ୍ଟରେ କାର୍ ରେସିଂ ଶୋ’ ଚାଲିଥିବା ବେଳେ ଏହି ଗୁଳିକାଣ୍ଡ ଘଟିଛି। ଏକ ଭ୍ୟାନ୍ରେ ବନ୍ଧୁକଧାରୀମାନେ ଆସି କାର୍ ରେସ୍ର ଅଂଶଗ୍ରହଣକାରୀଙ୍କ ଉପରକୁ ଗୁଳି ଚଳାଇଥିଲେ। ଘଟଣାର ତଦନ୍ତ ନେଇ ସ୍ବତନ୍ତ୍ର ତଦନ୍ତକାରୀ ଗ୍ରୁପ୍ ଗଠନ କରାଯାଇଥିବା ମେୟର ଆର୍ମଣ୍ଡୋ ଆୟାଲା ରୋବଲ୍ସ ସୂଚନା ଦେଇଛନ୍ତି।