ହାମ୍ବର୍ଗ,୧୧ା୩: ଜର୍ମାନୀର ହାମ୍ବର୍ଗସ୍ଥିତ ଏକ ଜେହୋଭା ଓ୍ବିଟ୍ନେସ୍ ହଲ୍ରେ ଜଣେ ବନ୍ଧୁକଧାରୀଙ୍କ ଗୁଳିମାଡ଼ରେ ୭ ଜଣଙ୍କ ମୃତ୍ୟୁ ଘଟିଛି। ଏଥିରେ ଅନ୍ୟ ୮ ଆହତ ହୋଇଛନ୍ତି, ଯାହାଙ୍କ ମଧ୍ୟରୁ ୪ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି। ମୃତକଙ୍କ ମଧ୍ୟରେ ଜଣେ ଗର୍ଭବତୀ ମହିଳା ଅଛନ୍ତି। ନରସଂହାର କରିଥିବା ଆତତାୟୀ ହେଲେ ଜେହନୋଭା ଓ୍ବିଟ୍ନେସ୍ର ଜଣେ ପୂର୍ବତନ ସଦସ୍ୟ। ପୋଲିସ ପହଞ୍ଚତ୍ବା ପୂର୍ବରୁ ସେ ନିଜକୁ ଗୁଳିକରି ଆମତ୍ହତ୍ୟା କରିଛନ୍ତି। ତେବେ ଏହା ଏକ ଆତଙ୍କବାଦୀ ଆକ୍ରମଣ ନୁହେଁ ବୋଲି ପୋଲିସ କହିଛି। ଜର୍ମାନୀ ଚାନ୍ସେଲର ଓଲାଫ୍ ସ୍କୋଲ୍ଜ ଏହାକୁ ‘ବର୍ବର ହିଂସା’ ବୋଲି ନିନ୍ଦା କରିଛନ୍ତି। ଜେହୋଭା ଓ୍ବିଟ୍ନେସ୍ ହଲ୍ରେ ଗୁରୁବାର ରାତି ୯ଟା ୧୫ରେ ଏକ ଧର୍ମୀୟ କାର୍ଯ୍ୟକ୍ରମ ଚାଲିଥିବାବେଳେ ୩୫ ବର୍ଷୀୟ ହତ୍ୟାକାରୀ ଫିଲିପ୍ ଏଫ୍. ସେଠାକୁ ଯାଇ ନିଜ ଲାଇସେନ୍ସପ୍ରାପ୍ତ ବନ୍ଧୁକରୁ ଆଖିବୁଜା ୧୦୦ ରାଉଣ୍ଡ ଗୁଳି ଚଳାଇଥିଲେ। ତେବେ ସେ କାହିଁକି ଏହି ଆକ୍ରମଣ କରି ଶେଷରେ ନିଜେ ଆମତ୍ହତ୍ୟା କଲେ ସେନେଇ ପୋଲିସ କିଛି ସ୍ପଷ୍ଟ କରିପାରି ନାହିଁ।
ଜେହୋଭା କ’ଣ
ବାଇବେଲ୍ରେ ବର୍ଣ୍ଣିତ ଈଶ୍ୱରଙ୍କ ନାମକୁ ହିବ୍ର୍ୟୁ ଭାଷାରେ ଜେହୋଭା କୁହାଯାଏ। ଜେହୋଭା ଓ୍ବିଟ୍ନେସ୍ ହେଉଛି ଏକ ଅନ୍ତର୍ଜାତୀୟ ଚର୍ଚ୍ଚର ଅଂଶବିଶେଷ। ଊନବିଂଶ ଶତାବ୍ଦୀରେ ଆମେରିକାରେ ପ୍ରତିଷ୍ଠିତ ଏହି ସଂସ୍ଥାର ମୁଖ୍ୟାଳୟ ନ୍ୟୁୟର୍କରେ ରହିଛି। ବିଶ୍ୱବ୍ୟାପୀ ଏହାର ୮.୭ ନିୟୁତ ସଦସ୍ୟ ଅଛନ୍ତି। ସେମାନଙ୍କ ମଧ୍ୟରୁ ପ୍ରାୟ ୧,୭୦,୦୦୦ ଜଣ ଜର୍ମାନୀର। ଖ୍ରୀଷ୍ଟର୍ଧମର ଏହି ମତବାଦରେ ବିଶ୍ୱାସ କରୁଥିବା ଲୋକଙ୍କ ଧାରଣା ହେଉଛି, ଖୁବ୍ଶୀଘ୍ର ପୃଥିବୀର ଅନ୍ତ ଘଟିବାକୁ ଯାଉଛି।