ଜଳେଶ୍ୱର,୧୮।୮(ଡି.ଏନ୍.ଏ.): ବାଲେଶ୍ୱର ଜିଲା ୬୦ ନମ୍ବର ଜାତୀୟ ରାଜପଥର ଜଳେଶ୍ୱର ନିକଟ ଲକ୍ଷ୍ମଣନାଥଠାରେ ବୁଧବାର ଏକ ଗ୍ରସରୀ ଦୋକାନରେ ଗ୍ୟାସ୍ ଟାଙ୍କି ବିସ୍ଫୋରଣ ଘଟିଥିଲା। ଏଥିରେ ସମ୍ପୂର୍ଣ୍ଣ ଛାରଖାର ହୋଇଯାଇଛି ୨ଟି ଦୋକାନ। ପାଖରେ ଛିଡ଼ା ହୋଇଥିବା ଏକ ଅଟୋ ମଧ୍ୟ ଜଳିଯାଇଛି। ଦମକଳ ବାହିନୀ ଆସି ନିଅଁାକୁ ଆୟତ୍ତ କରିଥିଲେ। ଉକ୍ତ ଗ୍ୟାସ୍ ଟାଙ୍କି ଘରୋଇ ବ୍ୟବହାର ଲାଗି ଉଦ୍ଦିଷ୍ଟ ଥିବା ବେଳେ ତାକୁ ବ୍ୟବସାୟରେ ଲଗାଯାଉଥିଲା। ଏଭଳି ଅଭିଯୋଗ ଆଣିବା ସହ ଏହାର ତଦନ୍ତ ଦାବି କରିଛନ୍ତି ସ୍ଥାନୀୟ ଲୋକେ।