କଣିହାଁ,୧୭ା୧୨ (ଡି.ଏନ୍.ଏ.): ଅନୁଗୋଳ ଜିଲା କଣିହାଁ ବ୍ଲକ ରେଙ୍ଗାଳି ଡ୍ୟାମ୍ ଜଳଭଣ୍ଡାରରେ ଓଡ଼ିଶା ଜଳ ବିଦ୍ୟୁତ୍ ନିଗମ (ଓଏଚ୍ପିସି) ପକ୍ଷରୁ ଶୁକ୍ରବାର ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ମୁଣ୍ଡୁଳିସ୍ଥିତ ଏନ୍ଡିଆର୍ଏଫ୍ ୨୩ ନମ୍ବର ବାଟାଲିୟନର ଯବାନଙ୍କ ଦ୍ୱାରା ବନ୍ୟା ସମୟରେ ଓ ଡ୍ୟାମ୍ ଜଳଭଣ୍ଡାର ମଧ୍ୟରୁ କିପରି ଲୋକଙ୍କ ଜୀବନ ରକ୍ଷା କରାଯାଇପାରିବ ତାହାର ବହୁ ଶିକ୍ଷଣୀୟ ଉପାୟ ପ୍ରଦର୍ଶନ କରିଥିଲେ। ଏନ୍ଡିଆର୍ଏଫ୍ ଟିମ୍ ସଦସ୍ୟମାନେ ରିମୋଟ କଣ୍ଟ୍ରୋଲ ଲାଇଫ୍ ବୟର ବ୍ୟବହାର, ଉଦ୍ଧାର କରିବାର ସହଜ ଉପାୟ ସମ୍ପର୍କରେ ସଚେତନ କରିଥିଲେ। ବିଶେଷକରି ବନ୍ୟା ବିପତ୍ତି ସମୟରେ ଗଁାମାନଙ୍କରେ ଉପଲବ୍ଧ ପ୍ଲାଷ୍ଟିକ ବୋତଲ, ଜାରକିନ, କାଠବିଡା, ମୋଟର ଟ୍ୟୁବ ଆଦିକୁ ଠିକ୍ ଭାବେ କିପରି ବ୍ୟବହାର କରି ଧନଜୀବନ ରକ୍ଷା କରାଯାଇପାରିବ ତାହା ଉପରେ ଆଲୋକପାତ କରିଥିଲେ। ଏନ୍ଡିଆର୍ଏଫ୍ ଟିମ୍ କମାଣ୍ଡର ସୁବ୍ରତ କୁମାର ଭୋଇ, ସବ୍ଇନ୍ସପେକ୍ଟର ସତ୍ୟବ୍ରତ ବେହେରା, ଜଗଦୀପ ମେରୁପାଲି ଓ ଅନ୍ୟ ସହଯୋଗୀ କାର୍ଯ୍ୟକ୍ରମ ପରିଚାଳନା କରିଥିଲେ। ଅତିଥି ଭାବେ ଓଏଚ୍ପିସି ସାଧାରଣ ପରିଚାଳକ ରଞ୍ଜନ କୁମାର ପରିଡା, ଅତିରିକ୍ତ ସାଧାରଣ ପରିଚାଳକ ସୁବ୍ରତ ଷଡଙ୍ଗୀ, ବନ୍ଧ ବିଭାଗ ଅଧୀକ୍ଷଣ ଯନ୍ତ୍ରୀ ଜଗନ୍ନାଥ ପଣ୍ଡା, ମାନବ ସମ୍ବଳ ଅଧିକାରୀ ନୀଳିମା ଦେନାଥ, ଅର୍ଥ ବିଭାଗ ପରିଚାଳକ ମୁକ୍ତିକାନ୍ତ ଅଗସ୍ତି ପ୍ରମୁଖ ଯୋଗ ଦେଇଥିଲେ। ଓଏଚପିସିର ସମସ୍ତ ଯନ୍ତ୍ରୀ ଓ କର୍ମଚାରୀ ସହଯୋଗ କରିଥିଲେ।
