ଆନନ୍ଦପୁର,୬ା୧୦(ସ୍ବ.ପ୍ର.): କେନ୍ଦୁଝର ଜିଲା ଆନନ୍ଦପୁରଠାରେ ଥିବା ହିରୋ ଶୋ’ ରୁମ୍ରୁ ମୁଖାପିନ୍ଧା ଦୁର୍ବୃତ୍ତଙ୍କ ଦ୍ୱାରା ଚୋରି ହୋଇଛି। ଚୋରି ସମୟର ଦୃଶ୍ୟ ଶୋ’ ରୁମ୍ରେ ଥିବା ସିସିଟିଭିରେ କଏଦ ହୋଇଛି। ଘସିପୁରା ଥାନା ଅଧୀନ ଶାଳପଡ଼ା ବାଇପାସ୍ରୁ ଆନନ୍ଦପୁର ଯିବା ରାସ୍ତା ପାର୍ଶ୍ୱରେ ଥିବା ହିରୋ ଶୋ’ ରୁମ୍ରୁ ମଙ୍ଗଳବାର ବିଳମ୍ବିତ ରାତିରେ ଦୁର୍ବୃତ୍ତମାନେ ଗ୍ରାଉଣ୍ଡ ଫ୍ଲୋରରେ ଥିବା ବାଇକ୍ ଡିସ୍ପ୍ଲେ, ଏକ ଲାପଟପ୍ ନେବା ସହିତ କ୍ୟାଶ ବାକ୍ସରୁ ୧ ଲକ୍ଷ ୭୦ ହଜାର ଟଙ୍କା ଲୁଟ୍ କରିଥିବା ଅଭିଯୋଗ ହୋଇଛି। ଦୁଇ ଜଣ ମୁଖାପିନ୍ଧା ଦୁର୍ବୃତ୍ତ ଚୋରି କରୁଥିବାର ସିସିଟିଭିରେ ରହିଛି। ଅଭିଯୋଗ ହେବା ପରେ ୨୯୮/୨୨ରେ ଏକ ମାମଲା ରୁଜୁ କରାଯାଇ ପୋଲିସ ଘଟଣାର ତଦନ୍ତ ଆରମ୍ଭ କରିଛି। ସିସିଟିଭି ଫୁଟେଜ୍ ଏବଂ ଚୋରି ସମୟରେ ମୋବାଇଲ୍ କଲ୍କୁ ଟ୍ରାକ୍ କରାଯାଇ ଲୁଟେରାଙ୍କୁ ଧରିବାକୁ ଉଦ୍ୟମ କରାଯାଉଥିବା ଆନନ୍ଦପୁର ଏସ୍ଡିପିଓ ପ୍ରଶାନ୍ତ କୁମାର ବେହେରା ଗୁରୁବାର ପ୍ରକାଶ କରିଛନ୍ତି।