ମୁମ୍ବାଇ, ୨୭।୧୨: ସିରିଏଲ୍ ଅଭିନେତ୍ରୀ ତୁନିଶା ଶର୍ମାଙ୍କ ଆତ୍ମହତ୍ୟା ମାମଲା ଟେଲି ଜଗତରେ ଚାଞ୍ଚଲ୍ୟ ଖେଳାଇ ଦେଇଛି। ଦିଲ୍ଲୀର ବହୁଚର୍ଚ୍ଚିତ ଶ୍ରଦ୍ଧା ଓ୍ବାଲ୍କର ହତ୍ୟା ଘଟଣାକୁ କେନ୍ଦ୍ର କରି ଶିଜାନ୍ ଖାନ୍ ପ୍ରେମିକା ତୁନିଶାଙ୍କଠାରୁ ବ୍ରେକ୍ଅପ୍ କରିଥିବା ସୋମବାର ଜେରାବେଳେ କହିଛନ୍ତି। ଶ୍ରଦ୍ଧା ଓ୍ବାଲକର ଓ ଆଫ୍ତାବ ପୁନାଓ୍ବାଲାଙ୍କ ଭଳି ତୁନିଶା ଏବଂ ଶିଜାନ୍ ଭିନ୍ନ ସମ୍ପ୍ରଦାୟର ଥିଲେ। ସେହିପରି ଦୁହିଁଙ୍କ ମଧ୍ୟରେ ବୟସ ପାର୍ଥକ୍ୟ ଅଧିକ ଥିବା ଯୋଗୁ ଦୁଇ କଳାକାର ପରସ୍ପରଠାରୁ ଅଲଗା ହେବାର ନିଷ୍ପତ୍ତି ନେଇଥିଲେ। ତୁନିଶା ଆତ୍ମହତ୍ୟାକୁ ସୋମବାର ତିନିଦିନ ବିତିଛି। କୌଣସି ସୁଇସାଇଡ୍ ନୋଟ୍ ପୋଲିସର ହସ୍ତଗତ ହୋଇନାହିଁ। ପୂର୍ବରୁ ତୁନିଶା ଥରେ ଆତ୍ମହତ୍ୟା ଉଦ୍ୟମ କରୁଥିବା ଦେଖି ଶିଜାନ୍ ତାଙ୍କୁ ଅଟକାଇଥିଲେ। ତୁନିଶାଙ୍କ ଯତ୍ନ ନେବାଲାଗି ସେ ତାଙ୍କ ମା’ଙ୍କୁ ଫୋନ୍ କରି କହିଥିଲେ। ଅନ୍ୟପକ୍ଷେ ଆତ୍ମହତ୍ୟା ଦିନ ତୁନିଶା ଲଞ୍ଚ୍ କରିବା ଲାଗି ବାହାରକୁ ଶିଜାନଙ୍କ ସହ ଯାଇଥିବା ସେ ପୋଲିସ ନିକଟରେ କହିଛନ୍ତି।
ଲାଗି ଶିଜାନ୍ ଉସୁକାଇଥିବା ଅଭିଯୋଗ ତୁନିଶାଙ୍କ ମା’ ବନିତା ଶର୍ମା ଆଣିବା ପରେ ମୁମ୍ବାଇ ପୋଲିସ ରବିବାର ଏକ୍ସ-ବୟଫ୍ରେଣ୍ଡ୍ ଶିଜାନ୍ ଖାନ୍ଙ୍କୁ ଗିରଫ କରିଛି। ବନିତା ଏ ନେଇ ଏକ ଭିଡିଓ ଜାରି କରି କହିିଛନ୍ତି, ତୁନିଶାଙ୍କ ନିରୀହତାର ଫାଇଦା ଶିଜାନ୍ ଉଠାଇଛି। ନିଜ ସ୍ବାର୍ଥ ପାଇଁ ସେ ତୁନିଶାଙ୍କୁ ବ୍ୟବହାର କରୁଥିଲେ। ଦୋଷ ପାଇଁ ଶିଜାନ୍ଙ୍କୁ ଉଚିତ୍ ଦଣ୍ଡ ମିଳୁ ବୋଲି ସେ କହିଛନ୍ତି। ଅନ୍ୟପକ୍ଷେ ତୁନିଶାଙ୍କୁ ବାହାହେବାର ପ୍ରତିଶ୍ରୁତି ଦେଇଥିବା ଶିଜାନ୍ ବ୍ରେକ୍ଅପ୍ର ୧୫ ଦିନ ପରେ ଅନ୍ୟ ଯୁବତୀଙ୍କ ସହ ସମ୍ପର୍କରେ ଆସିଥିବା ବନିତା ଆରୋପ ଆଣିଛନ୍ତି।
ଡିସେମ୍ବର ୨୪ରେ ଶୁଟିଂସେଟ୍ରେ ଟି-ବ୍ରେକ୍ ହୋଇଥିବାବେଳେ ତୁନିଶା ଓ୍ବାଶ୍ରୁମ୍ ଯାଇଥିଲେ। ବହୁ ବିଳମ୍ବ ହୋଇଯିବା ପରେ ମଧ୍ୟ ସେ ସେଟ୍କୁ ଫେରି ନ ଥିଲେ। ସୂଚନା ପାଇ ଓ୍ବାଲିଭ ପୋଲିସ ଆସି ଓ୍ବାଶ୍ରୁମ୍ କବାଟ ଭାଙ୍ଗି ତୁନିଶାଙ୍କ ଝୁଲନ୍ତା ମୃତଦେହ ଜବତ କରିଥିଲା। ତୁନିଶାଙ୍କ ଆତ୍ମହତ୍ୟା ନେଇ କୌଣସି ପ୍ରମାଣ ମିଳି ନ ଥିବାବେଳେ ପୋଲିସ ତଦନ୍ତ ଚଳାଇଛି।